13 Gusht 2020

Kina lë prapa botën me trenat e shpejtë

Pekin, 16 shkurt - Kina pritet të zhvillojë një rrjet të jashtëzakonshëm prej 42 linjash me trena të shpejtësisë së lartë deri në vitin 2012, duke u bërë vendi me sektorin hekurudhor më të zhvilluar të botës, bëhet e ditur nga media ndërkombëtare.

Me një popullatë migratore prej qindra milionë njerëzish, qeveria kineze ka hasur në të shkuarën vështirësi të mëdha në transport, gjë që ka penguar edhe zhvillimin e vrullshëm ekonomik, por kjo situatë pritet të ndryshojë.

Në vitin e kaluar, qeveria kineze hodhi rreth 100 miliardë dollarë në ndërtimin e linjave të trenave të shpejtë, gjë që ka lehtësuar trafikun në linjat e trenave të zakonshëm. Së fundmi u përurua një linjë prej 1000 kilometrash që lidh krahinën e Guangzhout në bregun e jugut me Kinën Qendrore në më pak se tre orë, gjë që e bën atë linjën me shpejtësinë mesatare më të lartë në botë.

Por kjo është vetëm një nga 42 linjat e shpejtësisë së lartë që pritet të përfundojnë së ndërtuari deri në vitin 2012. Shtetet e Bashkuara të Amerikës duket se janë shumë larg kësaj, pasi pritet të përfundojnë linjën e parë të shpejtësisë së lartë vetëm në vitin 2014, 150 kilometra.

Presidenti Obama deklaroi muajin e kaluar se Shtetet e Bashkuara po mbeteshin prapa Azisë dhe Europës në ndërtimin e hekurudhave të shpejtësisë së lartë. “Vendet e tjera nuk po presin”, tha ai.

“Ato kërkojnë punë. Kina kërkon këto punë e Gjermania gjithashtu”. Në të vërtetë, rrjeti i trenave të shpejtë besohet se do ta bëjë Kinën edhe më konkurruese se sa është aktualisht në ekonominë botërore.

Përmes lehtësimit të transporteve, Kina mund të zgjerojë prodhimin e mallrave për eksport në zonat e brendshme. Një skemë e ngjashme i dha hov ekonomisë amerikane 50 vite më parë, kur u ndërtua rrjeti hekurudhor ndërshtetëror.

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)