27 Shtator 2021

Istogu ndërton sistemin e Ujësjellësit për zonën e Mbivadës

Istog, 4 mars - Është vëne sot gurëthemeli për fillimin e punimeve të projekti të shumëpritur dhe jetik “ Ndërtimi i ujësjellësit për zonën lindore të komunës së Istogut”, pjesa e Mbivadës.

Ndërtimi i këtij ujësjellësi do të furnizoj me ujë të pijes 12 fshatra të kësaj ane. Pjesë e kësaj ngjarje ishte kryetari i Komunës Haki Rugova, përfaqësues të nivelit qendror si dhe përfaqësuesit e kompanisë austriake ÖSTAP dhe Tirohler Rohre.

Me këtë rast kryetari i komunës Haki Rugova tha se ky projekt ka filluar në vitin 2015 dhe është bashkëpunim i komunës së Istogut me Republikën e Kosovës dhe të Austrisë, një projekt i përbashkët ku para jush sot janë akterët kryesor impelmentuesit kryesor.

“E ndjej vetën shumë krenar që ky projekt po fillon sot, kam pasur gjithmonë besimin që do të filloj një ditë. Është projekt jashtëzakonisht i mirë dhe me një menaxhimin të mirë do të ketë një furnizim të mirë më ujë të pijes për krejt territorin e komunës së Istogut, me gjithë fshatrat."

"Nga ky projekt komuna e Istogut do të sigurojë 24 orë ujë të pijshëm për qytetarët e saj me çdo cep. Do vazhdojmë të bashkëpunojmë me qeverinë Austriake për projektet tjera me rëndësi të cilat do i marrim në formë kreditimi, që jemi të orientuar më shumë tek kanalizimet që të zgjidhet çështja e kanalizimeve”, tha ndër të tjera kryetari Rugova.

Ndërsa Andreas Vieler , përfaqësues kryesor i operatorit për implementimin e projektit për ndërtimin e ujësjellësit të zonës lindore, tha se ky është një projekt shumë i rëndësishëm për të cilin e falënderojmë kryetarin Haki Rugova dhe gjithë ekipin e tij. Ne sot jemi këtu që të vejmë gurë themelin e projektit dhe jam shumë i kënaqur që shoh kaq shumë qytetarë që kanë ardhur sot këtu.

Qytetarët e zonës së Mbivadës shumë shpejt pritet të kenë furnizim të qëndrueshëm me ujë të pijes, si rezultati i projektit “Ndërtimi i sistemit të ujësjellësit për zonën lindore të komunës së Istogut, projekti ky i cili po realizohet si bashkëpunim meskomunës së Istogut, qeverisë së Kosovë si dhe qeverisë Austriake.

 

Kalendari

Ngjarjet e datës 27 Shtator 2021

- Kryeministri i Republikës së Kosovës, Albin Kurti pret me ceremoni shtetërore Kryeministrin e Republikës së Shqipërisë, Edi Rama, dhe anëtarë të kabinetit qeveritar të Shqipërisë. (Sheshi "Skënderbeu", ora 8:50 - Mediet të jenë të pranishme më së largu, ora 8:10)

- Me rastin e fillimit të vitit të ri shkollor 2021-22 kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Kabashit" në Korishë. (Korishë, ora 9:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Lekë Dukagjini" në "Gani Saramati". (Objekti i shkollës, ora 9:30)

- Kryeministri i Republikës së Kosovës, Albin Kurti dhe Kryeministri i Republikës së Shqipërisë, Edi Rama, mbajnë konferencë për media në ora 10:20 - Mediat e akredituara duhet të jenë më së largu në ora 10:00)

- Komisioni për Ekonomi, Industri, Ndërmarrësi dhe Tregti mban dëgjim publik lidhur me projektligjin për identifikimin elektronik dhe shërbimet e besuara në transaksionet elektronike. (Ndërtesa e Kuvendit, salla N506, ora 10:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në zbulimin e emrit të ri të shkollës "Abdyl Frashëri" në "Rexhep Hyseni". (Objekti i shkollës, ora 10:15)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave të sallës së edukatës fizike në shkollën "Dëshmorët e Zhurit" në Zhur. (Zhur, ora 11:15)

- Komisioni Qendror i Zgjedhjeve mban mbledhjen e radhës . (Ndërtesa e KQZ-së, ora 11:30) 

- Konstituohet Komisioni Ad hoc për përzgjedhjen e kandidatëve për anëtarë të Bordit të RTK-së. (Ndërtesa e Kuvendit, salla N10, ora 12:00)

- Kuvendi i Sociologjisë në kuadër të Departamentit të Sociologjisë në Universitetin e Prishtinës organizon promovimin e librit të Gëzim Selacit, "Legjitimiteti politik në Kosovë". (Biblioteka Kombëtare e Kosovës, ora 12:00)

- Kryetari i Komunës së Prizrenit, Mytaher Haskuka së bashku me drejtoreshën e Drejtorisë Komunale të Arsimit, Xhemile Thaçi Vezgishi do të marrin pjesë në përurimin e rekuizitave ndërtimit të shkollës së re “Zef Lush Marku” në Velezhë. (Velezhë, ora 12:00)

- Drejtoresha e Drejtorisë së Turizmit dhe Zhvillimit Ekonomik në Komunën e Prizrenit, Sevil Liman Kazaz do të bëjë prezantimin e raportit të punës 4 vjeçar të kësaj drejtorie. (Salla e mbledhjeve të Kuvendit Komunal, ora 14:00)