07 Dhjetor 2019

Hapet panairi botëror për teknologjinë industriale "Hannover Messe"

Hannover, 23 prill - Mbrëm u hap panairi botëror për teknologjinë industriale "Hannover Messe" 2018, me temë "Industri e integruar, lidhje dhe bashkëpunim".

Kancelarja gjermane Angela Merkel tha në ceremoninë e hapjes se gjatë 70 viteve nga krijimi i ekspozitës, "Hannover Messe" ka dëshmuar përparim dhe novacion, duke pasqyruar prirjen e zhvillimit të industrisë së ardhshme.

Ajo shtoi se Kina dhe ShBA-ja janë shumë aktive në zhvillimin e inteligjencës artificiale, dhe Gjermania do të shtojë investimet në këtë fushë.

Panairi i këtij viti tërhoqi mbi 5000 kompani nga 75 vende e rajone të botës. Kina u rendit e dyta për numrin e kompanive pjesëmarrëse, pas vendit organizator Gjermania.

Ndër kompanitë kineze marrin pjesë CASIC, Huawei dhe Haier. Këto kompani do të shpalosin aftësitë dhe arritjet në fushën e prodhimit, duke zgjeruar bashkëpunimin ndërkombëtar.

Kalendari

Ngjarjet e datës 7 dhjetor 2019 - Këshilli Gjyqësor i Kosovës organizon Konferencën e Nëntë Gjyqësore në të cilën do të marrin pjesë tërë struktura e sistemit të drejtësisë në Kosovës për të diskutuar temën: “Të arriturat dhe sfidat e sistemit gjyqësor gjatë vitit 2019”. (Hotel Emerald, ora 9:30)

- Federata e pingpongut të Kosovës do të organizojë turneun më të fortë të vitit 2019,  TOP 12 për Seniorët më të mirë, me të cilat edhe përmbyllen garat për vitin 2019. (Palestra e sporteve në Prishtinë, ora 10:00)

- Federata e Futbollit e Kosovës organizon turneun final të projektit “Rekrutimi i vajzave të reja në futbollin e organizuar” nën moton “Ti mund ta bësh – You Can Do It”, ku do të marrin pjesë ekipet fituese të turneve të mbajtur në 13 komuna. (Kompleksi “Sopa Sport” në Lipjan, ora 10:15)

- Rrjeti i Grave të Kosovës mbledhë 158 organizatat anëtare, përkrahësit individual, partnerët, miqtë, dhe përfaqësuesit e mediave në Kuvendin e 17-të Vjetor të Anëtareve. (Hotel Sirius, ora 10:30)

- Misioni i OSBE-së organizon konferencë ku do të prezantojë aktivitetet që Misioni ka organizuar gjatë vitit 2019 me të rinj, siç janë Akademia e OSBE-së për Dialog, Deklarata Ndër-Komunale për Dialog ndërmjet Komuniteteve, si dhe Lojërat Mini-Olimpike për Njerëz me Nevoja të Veçanta, të cilat kanë sjellë së bashku të rinj nga komunitete të ndryshme. (Hotel Swiss Diamond, ora 11:30)

- Gecjan Fashion Group sjellë për të 13-in Vit me radhë, ngjarjen më të madhe të modës në rajon “Kosova International Fashion Week 2019”. (Salla e panaireve në Shkabaj, ora 18:00)