12 Korrik 2020

Greva paralizon portin e naftës pranë Marsejës

Paris, 5 tetor - Një grevë e madhe ka paralizuar operacionet në portin kryesor francez të importit të naftës, pranë qytetit të Marsejës.

Autoritetet e portit thonë se punëtorët e terminalit Fos-Lavera për naftën kanë bllokuar futjen në port për të tetën ditë radhazi, duke mos lejuar shkarkimin e dhjetëra cisternave detare.

Sindikatat e punonjësve të portit e organizuan grevën në shenjë proteste kundër reformave që do të çonin në privatizimin e operacioneve të shkarkimit. Punonjësit kërkojnë gjithashtu kontrata që u garantojnë vendin e punës, duke zhvilluar demonstrata që përkojnë me protesta mbarë-kombëtare kundër reformave në sistemin e pensioneve.

Fos-Lavera është terminali i tretë më i madh në botë për naftën, pas Hjustonit në Shtetet e Bashkuara dhe Roterdamit në Holandë.

Sindikatat franceze kanë në plan të organizojnë greva të tjera javën e ardhshme kundër planeve qeveritare për të rritur moshën e pensionit nga 60 në 62 vjeç. Qeveria thotë se ndryshimet janë të domosdoshme pasi sistemi i pensioneve është zhytur  në deficit të papranueshëm.

Kalendari

Ngjarjet e datës 12 Korrik 2020

- Kryeministri Avdullah Hoti do të mbajë konferencë për medie. (Oborri i Qeverisë, ora 16:00)