18 Shkurt 2020

Gjermania planifikon zgjatjen e subvencionit për blerjen e makinave elektrike

Berlin, 19 prill - Ministria e ekonomisë gjermane planifikon të zgjasë dhënien e subvencioneve për makina të reja elektrike, deri në fund të vitit 2020, në një përpjekje për të rritur shitjet, thuhet në një projekt-udhëzim.

Gjermania po përpiqet të rrisë kërkesën për automjetet elektrike, si për arsye mjedisore, ashtu edhe në përgjigje të skandalit të mashtrimit me emetimet e makinave të naftës, që ka përfshirë industrinë automobilistike të vendit, sidomos Volkswagen, por edhe të tjerë, në tre vitet e fundit.

Dokumenti, i hartuar nga ministria e ekonomisë, është dërguar në ministri të tjera gjermane për miratim. Nxitjet me vlerë 4,000 euro (4,500 dollarë) për blerjen e një makine të re elektrike në Gjermani, filloi të aplikohej në qershor të vitit 2016 dhe procedura pritet të përfundojë në qershor të këtij viti, por projekti parasheh një shtyrje deri më 31 dhjetor 2020.

Qeveria dhe prodhuesit e makinave ndanë financimin, por 1.2 miliardë euro të destinuara ende nuk janë përdorur. Disa vlerësime tregojnë se më pak se 500 milionë euro janë marrë.

Subvencionet kanë ndihmuar në ngritjen e shitjeve, por megjithatë, makinat elektrike përbënin vetëm rreth 1 përqind të regjistrimeve të reja të makinave vitin e kaluar, tha autoriteti i automjeteve motorike.

Ministria e ekonomisë nuk pranoi të komentojë dhe iu referua deklaratave të mëparshme se së shpejti do të komunikonte detajet e të ardhmes së programit nxitës.

Kalendari

Ngjarjet e datës 18 shkurt 2020 - Oda Ekonomike e Kosovës do të mbajë konferencë për media lidhur me rezultatet e anketës të klimës në biznes. (Objekti i Odës Ekonomike të Kosovës, ora 9:30)

- Forumi për Udhëheqje dhe Diplomaci organizon debatin publik me temë “Si duhet ta adresojnë institucionet barazinë gjinore në pozicionet vendimmarrëse?”. (Kafiteri “Dit e Nat” ora 10:00)

- Instituti Demokratik i Kosovës organizon tryezën e diskutimit “Dialogu Kosovë-Serbi: Çfarë pas formimit të Qeverisë së re dhe përfshirjes amerikane?”, në një diskutim rreth të ardhmes së dialogut Kosovë - Serbi. (Hotel Sirius, ora 10:00)

- Zyra Kombëtare e Auditimit prezanton raportin e auditimit të performancës “Sistemi i Përcaktimit të Tarifave të Energjisë Elektrike, Termike dhe atyre të Ujësjellësit”. (Zyra Kombëtare e Auditimit, lagja “Arbëria”, ora 10:00)

- Mbahet mbledhja e parë e rregullt e Komiteti për Politik dhe Financa në Komunën e Rahovecit. (Salla e mbledhjeve të Kuvendit Komunal të Rahovecit, ora 10:00)

- Mbahet mbledhja e Kryesisë së Kuvendit të Republikës së Kosovës në të cilën do të behët propozimi për formimin e grupeve të miqësisë, dhe propozimi i anëtarëve në delegacione për përfaqësim të Kuvendit më organizata ndërkombëtare. (Ndertesa e Kuvendit, salla C 301, ora 11:00)
 
- Korabi Corporation organizon ceremoninë e hapjes së “Qendrës Inovative Korabi”, një qendër unike arsimore në fushën e kulinarisë si dhe do të mbahet “Nata e çokollatës belge”, një spektakël me çokollatën më të mirë në botë, që do të prezantohet nga çokollatrier me famë ndërkombëtare. (Zyrat e Korabi Corporation në Çagllavicë, ora 18:00)