17 Shtator 2019

Furnizimi me ujë të pijshëm prioritet për qytetarët e Drenasit

Drenas, 28 maj - Gjatë ditës së sotme, kryeshefi ekzekutiv i Kompanisë Rajonale të Ujësjellësit 'Prishtina' Ilir Abdullahu i shoqëruar nga drejtori i bordit Florin Dvorani dhe drejtori teknik Sokol Xhafa zhvilluan një takim pune në Komunën e Drenasit të pritur nga Idriz Hyseni drejtor i infrastrukturës publike dhe përfaqësues të tjerë të kësaj komune.

Në këtë takim u diskutua rreth bashkërendimit të investimeve në sektorin e ujit të pijshëm dhe ujërave të zeza për komunën e Drenasit, me theks të veçantë për vazhdimin e implementimit të ujësjellësve të rinj për 12 fshatra të komunës, gjetjen e burimeve të reja ujore për disa fshatra të tjera që deri më tash kanë pasë mungesë të ujit të pijshëm, etj.

Me prioritet u diskutua lidhur me  trajtimin e ujërave të zeza, që në të ardhmen bashkërisht me nivelin lokal, qëndror dhe donatorët të gjejnë mundësi që kjo fushë e rëndësishme e sektorit të trajtohet sa më shpejtë, duke parë se pellgu i lumit Drenica është në gjendje tejet të ndotur nga shkarkimi i ujërave të zeza.

Zhvillimet nga diskutimet e ditës së sotme nga të dyja palët institucionale,  mbetet të shihen në ditët vijuese.

Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00) 

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Kandidatja e LDK-së për Kryeministre, Dr. Vjosa Osmani, viziton këto biznese në Suharekë: Fabrikën për prodhim këpucësh “Solid”, Kompaninë “Seti Comerc”, Fabrikën e mobilieve “Te Naseri” dhe Fabrikën e pijeve “Frutex”. (Suharekë, ora 14:00)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)  

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)

- Mbahet tubimi promovues për kandidatët e parlamentit të Kosovës të Nismës Socialdemokrate në Lipjan. (Salla e Shtëpisë së Kulturës “Tahir Sinani” në Lipjan, ora 18:00)

- Kandidatja e LDK-së për Kryeministre, Dr. Vjosa Osmani mban takim me grupin e OJQ-ve në Gjakovë. (Hotel Çarisha e Jupave. ora 18:30)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e Gjakovës. (Qarshia e vjetër, Loma e Drithit, ora 19:00)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e fshatit Ratkoc. (shkollën fillore e fshatit Ratkoc, ora 20:30)