28 Mars 2024

Furnizimi global me naftë u rrit në korrik


Prishtinë, 13 gusht - Furnizimi global i naftës u rrit me 2.5 milionë fuçi në ditë në 90 milionë fuçi në ditë në korrik pasi Arabia Saudite i dha fund frenimit të saj vullnetar me një milion fuçi në ditë, Emiratet e Bashkuara Arabe tejkaluan objektivet e parapara nga OPEC+, ndërkaq prodhimi amerikan filloi të rikuperohet, sipas raportit mujor të Agjencisë Ndërkombëtare të Energjisë (IEA).

Organizata e Vendeve Eksportuese të Naftës (OPEC) rriti prodhimin e naftës së papërpunuar nga niveli më i ulët në gati 30 vite në qershor. Me 23.75 milionë fuçi në ditë, prodhimi i naftës së papërpunuar të OPEC-ut u rrit me 1,2 milion fuçi në ditë muaj pas muaji dhe 5,5 milion fuçi në ditë nga viti në vit, sipas Raportit të Tregut të Naftës të IEA-së për gusht 2020.

IEA deklaroi se ndërsa OPEC+ zvogëlon masat me gati 2 milionë fuçi në ditë këtë muaj, prodhuesit e tjerë rivendosin vëllimin e frenimit, kompensimi për prodhimin e mëparshëm të OPEC+ mund të mbajë furnizimin botëror të qëndrueshëm në gusht.

"Kërkesa globale e naftës pritet të jetë 91.9 milionë fuçi në ditë në vitin 2020, me një rënie vjetore prej 8.1 milionë fuçi në ditë. Në këtë raport, ne e zvogëlojmë parashikimin tonë për vitin 2020 me 140 milionë fuçi në ditë, ulja e parë në disa muaj, duke reflektuar ngecjen e lëvizshmërisë pasi numri i rasteve të koronavirusit (COVID-19) mbetet i lartë, dhe sektori e aviacionit mbetet i dobët", tha agjencia.

Për më tepër, IEA vlerëson se virusi vazhdon të ndikojë në transportin rrugor pasi njerëzit shmangin udhëtime jo thelbësore dhe puna nga shtëpia mbetet normë në shumicën e vendeve perëndimore.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)