14 Korrik 2020

Detroiti shpall modelet më të mira të makinave elektrike

Detroit, 13 janar - Prodhuesit e mëdhenj të makinave në Shtetet e Bashkuara kanë nxjerrë modelet e fundit të automjeteve në Ekspozitën e Detroitit. "Chevrole"t mori vlerësimin më të lartë, duke fituar çmimim "Makina e Vitit për Amerikën e Veriut", me modelin e saj hibrid elektrik, Volt.

Kjo makinë punon me energji elektrike gjatë 65 kilometrave të para, pas së cilave një motor me gaz futet në punë. Ajo la pas modelin "Leaf" të Nissanit, një tjetër makinë elektrike dhe "Sonatën" e Hundait në ceremoninë e përvitshme, gjatë prezantimit për median në Ekspozitën e Automjeteve të Detroitit.

"Ford Eksplorer" fitoi si fuoristrada e vitit, duke lënë pas finalistët "Dodge Durango" dhe "Jeep Grand Cherokee". Fituesit përcaktohen nga gazetarët, duke u mbështetur tek aftësia shpikëse, dizenjoja, siguria, preferencat e shoferëve dhe çmimi.

Ishte vlerësimin i fundit për "Voltin", që u hodh në treg në dhjetor dhe kushton 40 mijë e 280 dollarë.

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)