06 Korrik 2020

Dëmtohet tubi i ujit me diametër fi 250 mm, në rrugën “Hani i Dilit” në Prishtinë

Prishtinë, 7 shkurt - Kompania Rajonale e Ujësjellësit Prishtina ka bërë të ditur gjatë ditës së sotme, në rrugën “Hani i Dilit” në Prishtinë është dëmtuar tubi i ujit , polietilen me diametër fi 250 mm.

Ekipet e mirëmbajtjes së rrjetit të ujësjellësit janë në vendin e ngjarjes me të gjitha mjetet e punës pë sanim.

Për shkak të pengesave të shumta të kabllove elektrike të vendosura mbi atë gyp dhe thellësisë së gypit prej rreth 2 metrash, punët janë vështirësuar në ndërkohë, por ekipet me çdo kusht dhe punë të pandërprerë, në afatin sa më të shkurtë do ta rikthejnë furnizimin me ujë të pijshëm për lagjet dhe rrugët: “ Bajram Bahtiri”, rruga e “ Llapit”, rruga “ Lidhja e Prizrenit” te Tregu i Gjelbërt, rruga” Ramë Govori”, rruga” Drenica 1” rruga” Vëllezërit Fazliu”, “ Mbreti Piro”, “Mic Sokoli” dhe disa rrugicë në atë zonë.

Vështirësitë e dala përgjatë sanimit të defektit kanë zgjatur punimet e paplanifikuara.

Kompania Rajonale e Ujësjellësit Prishtina kërkon mirëkuptim nga të gjithë konsumatorët e zonave të lartëcekura.

Kalendari

Ngjarjet e datës 6 Korrik 2020

- Oda Ekonomike e Kosovës do të mbajë konferencë të jashtëzakonshme për media lidhur me zhvillimet e fundit me përhapjen e pandemisë dhe ndikimet në ekonomi. (Objekti i Odës Ekonomike të Kosovës, ora 10:30)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)


- Partia Demokratike e Kosovës mban konferencë për media. (Selia e PDK-së, ora 15)

- Komuna e Rahovecit mban dëgjim publik me banorët e fshatrave Krushë e Madhe, Celinë, Nagavc për përgatitjen e buxhetit për vitin 2021 dhe kornizës afatmesme 2021-2023. (Objekti i Qendrës Rinore në fshatin Krushë e Madhe, ora 19:00)

- Komuna e Rahovecit mban dëgjim publik me banorët e fshatrave Hoçë e Vogel dhe Brestoc për përgatitjen e buxhetit për vitin 2021 dhe kornizës afatmesme 2021-2023. (Objekti i  Shkollës Fillore të Mesme të Ulët “Heronjtë e Kosovës” në fshatin Hoçë e Vogël, ora 20:00)