Prishtinë, 2 shtator - Kompania Rajonale e Ujësjellësit "Prishtina" (KRUP) ka njoftuar se gjatë natës së mbrëmshme është dëmtuar gypi i ujit me diametër fi 200 mm në lagjen “ Bregu i Diellit” në Prishtinë.

Ekipet e mirëmbajtjes dhe operimit të KRU”Prishtina”  janë në vendin e ngjarjes dhe me të gjitha kapacitetet për punë po merren me sanimin e defektit të atij gypi.

Deri në sanimin e defektit pa ujë të pijshëm janë rruga ”Hyzri Talla” dhe rruga “Xheladin Rekaliu” në lagjen Bregu i Diellit.

Sanimi pritet të përfundoj gjatë ditës së sotme.