05 Gusht 2020

Britanezet padisin Volkswagenin lidhur me skandalin e lëshimeve

Londër, 5 dhjetor - Blerësit në Britani e kanë paditur kompaninë e prodhimit të makinave "Volkswagen"-in lidhur me skandalin e lëshimeve, i njohur gjithashtu si "Dieselgate".

Një prej avokatëve të tyre u shpreh se konsumatorët janë gënjyer nga një korporatë shumëkombëshe dhe ata duan që ajo të mbajë përgjegjësi.

"Në pjesë të tjera të botës, 'Volkswagen'-i ka dalë hapur dhe ka kërkuar falje. Kompania është gjobitur miliarda dollarë në ShBA. Në BE ata kanë thënë se nuk kanë bërë asgjë të keqe dhe se nuk do të kompensojnë klientët tanë, dhe kjo është arsyeja pse janë sot këtu."

"VW" e pranon se 11 milionë makina të saj me naftë ishin të pajisur me softuer që i bënte motorët të nxirrnin më pak gaz gjatë testimit të lëshimeve.

Kompania thotë se hetimi në Britani është i pabazuar e se do të kundërshtojë me forcë çdo proces gjyqësor. 

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00) - anulohet për shkak të kushteve atmosferike