04 Mars 2021

BP vazhdon përpjekjet për mbylljen e vrimës së naftës në det

Meksiko Siti, 27 maj - Koncerni energjetik britanik BP ka nisur një përpjekje të re për mbylljen e vrimës së shpimit të naftës në Gjirin e Meksikës. Me ndihmën e robotëve nënujorë do të provohet që vrima e shpimit, e cila ndodhet në 1.500 metra thellësi, të mbushet me baltë.

Pastaj ajo duhet të përforcohet me çimento. Shefi i koncernit BP Tony Hayward tha se shancet që operacioni të ketë sukses janë mes 60 e 70 për qind.

Ai  e pranoi se në rast të dështimit vrima e shpimit mund të rritet edhe më shumë. Nga kjo vrimë qe pesë javë derdhet naftë në det.

Ekspertët përllogarisin se deri tani në det janë derdhur rreth 26 milionë litra naftë.

Presidenti amerikan Barack Obama shprehu edhe një herë shqetësimin e tij për gjendjen e krijuar në Gjirin e Meksikës: \"Askush nuk është më i zemëruar se unë, sepse në fund të fundit, ashtu si çdo president, kur kjo ndodh gjatë mandatit tënd, atëherë çdo ditë mendon se si të zgjidhësh atë çështje\", tha Obama.

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Komisioni Qendror i Zgjedhjeve shpall rezultatet përfundimtare të zgjedhjeve të parakohshme për Kuvendin e Republikës së Kosovës, të cilat u mbajtën më 14 shkurt 2021. (selia e KQZ-se, ora 11:00) 

- Me rastin e ndarjes nga jeta të Enver Krasniqi, Prokuror i Prokurorisë Speciale të Republikës së Kosovës, sistemi prokurorial organizon mbledhje komemorative. (Amfiteatri i ndërtesës të ish-Rilindjes, ora 11:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)