15 Prill 2021

Autobus i cili do të vozisë mbi automobilat

Pekin, 4 gusht - Kompania kineze “Shenzen Huashi Parking Equipment” është duke punuar në një projekt të ri, autobus për udhëtarë që do të qarkullojë mbi automobilat, publikoi “Huffington Post”.

Kinezët gjetën një mënyrë të pranueshëm në aspektin ekologjik për të kursyer para dhe për ta reduktuar tollovinë në komunikacion, duke zhvilluar “3D Express Coach”, të njohur si autobus i shpejtë tredimensional me lartësi të përgjithshme prej 4,5 metrave dhe dy kate, që do të qarkullojë mbi automjetet me lartësi prej dy metrave.

Në katin e parë do të ketë hapje nëpër të cilën do të kalojnë automobilat, ndërsa në katin e dytë do të transportohen udhëtarët.

Ky mjet transportues i cili do të ketë kapacitet deri 1.400 udhëtarë, do të përdorë energji diellore dhe elektrik dhe do të zhvillojë shpejtësi deri 60 kilometra në orë.

Çmimi për realizimin e një projekti të këtillë është 50 milionë euro që është vetëm 10 për qind e mjeteve të duhura për ndërtimin e metros.

Ndërtimi do të fillojë nga fundi i vitit në distriktin e Pekinit, Mentogou.

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)