27 Maj 2020

“Audi” realizoi profit rekord gjysmëvjetor

Frankfurt, 3 gusht - Prodhuesi gjerman i automjeteve luksoze “Audi” kumtoi se në gjashtë muajt e parë të këtij viti ka realizuar profit rekord prej mbi 1,3 miliardë eurove, që paraqet rritje në nivel vjetor prej 62 përqindëve.

Në kumtesën e “Audi”-t ceket edhe se kompania planifikon që gjatë tërë vitit 2010 të porosisë mbi 1,08 milionë automjete. Vitin e kaluar kompania gjermane shiti 979.729 automjete.

Qarkullimi i përgjithshëm i “Audi”-t në gjysmëvjetorin e parë të vitit 2010 është rritur për 21 për qind në krahasim me periudhën e njëjtë në 17,6 miliardë euro, ndërsa porosia e automjeteve është shtuar për 19 për qind në 554.939 modele.

Sipas kompanisë, rezultatet e këtilla pozitive u referohen rijetësimit të kërkesës globale për automobila, si dhe të “ofertës së vet atraktive”. “Audi” paralajmëroi edhe se gjatë këtij viti planifikon në treg të plasojë 12 modele të reja të automjeteve.

“Audi” është pjesë e grupacionit të prodhuesit më të madh evropian të automobilave “Folksvagen”, i cili në tremujorin e parë të këtij viti e rriti profitin për 133 për qind në 2,8 miliardë euro.

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)