20 Shtator 2020

Arabia Saudite kërkon pakësimin e rezervës së naftës

Riad, 20 maj - Ministri i Energjetikës i Arabisë Saudite thotë ka një konsensus mes OPEK-ut dhe prodhuesve të tjerë të naftës që, në kohën e ofertës së madhe globale, të pakësohet "në mënyrë të butë" rezerva e naftës bruto.

Khalid al-Falih vuri në dukje që një zgjatja e kufizimeve të prodhimit në gjysmën e dytë të vitit është mundësia kryesore e diskutuar në një takim në rang ministrash.

Por ai thotë gjithashtu që gjërat mund të ndryshojnë deri në muajin qershor.

Sipas tij, Arabia Saudite do të ketë më shumë të dhëna në takimin tjetër të OPEC-ut në fund të qershorit, me synim që ta ndihmojë këtë organizatë për të marrë një vendim më të mirë.

OPEC-u, bashkë me Rusinë dhe prodhues të tjerë jashtë kësaj organizate, një aleancë e njohur si OPEC+, ra dakord që të pakësohet prodhimi me 1.2 milion fuçi në ditë nga 1 janari, çka do të zgjasë për gjashtë muaj. 

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)