16 Janar 2019

Arabia Saudite arrin marrëveshjen për blerjen e 5 luftanijeve nga Spanja

Riad, 8 nëntor - Industria Ushtarake e Arabisë Saudite (SAMI) ka njoftuar se ka nënshkruar një marrëveshje me prodhuesin spanjoll të anijeve, Navantia, për ndërtimin së bashku të pesë korvetave (luftanije) për marinën saudite.

Marrëveshja, e shpallur më herët këtë vit, është kontrata e parë ushtarake e nënshkruar nga mbretëria saudite me një vend të huaj, që nga vrasja e gazetarit arab Jamal Khashoggi, që u pasua me një protestë globale.

Pavarësisht ndarjes së opinionit politik në Spanjë për këtë çështje, ceremonia e nënshkrimit u mbajt të martën në Riad, ndërsa agjencia shtetërore e shtypit në Arabinë Saudite publikoi edhe foto e video të realizuara gjatë këtij eventi.

Jamal Khashoggi, një kolumnist i Uashington Post dhe njëkohësisht kritik i qeverinë saudite dhe sundimtarit të saj de facto, Princi i Kurorës Mohammed bin Salman, u zhduk në konsullatën saudite në Stamboll më 2 tetor.

Zyrtarët sauditë fillimisht këmbëngulën se Khashoggi ishte larguar nga konsullata, pastaj thanë se ai vdiq në një operacion të paplanifikuar “mashtrues”, ndërsa në fund Prokurori publik i mbretërisë, Saud al-Mojeb pranoi se gazetari u vra në një sulm të paramenduar.

Industria spanjolle e mbrojtjes është nën trysni për furnizimin me armë të Arabisë Saudite, për shkak të shqetësimeve se përdorimi i tyre po shkakton viktima civile në Jemen, ku një koalicion i udhëhequr nga Rijadi, po lufton kundër grupimit Houthi, që gëzon mbështetjen e Iranit. 

Kalendari

Ngjarjet e datës 16 janar 2019 - Banorët e lagjes Makolli nga fshati Cikatovë protestojnë para Gjykatës Themlore në Drenas në mbrojtje të çdo vendimi që merr gjykata në dem të familjes Makolli. (Para Gjykatës Themelore në Drenas, ora 9:00)

- Kryeministri Ramush Haradinaj pret në takim pune kryetarët e Komunave në kuadër të "Forumi Konsultativ Qeveri - Komuna". (Ndërtesa e Qeverisë, ora 9:00)

- Kryetari i Mitrovicës Agim Bahtiri do të dorëzojë peticionin për bashkimin e qytetit të Mitrovicës me 16,594 nënshkrime të qytetarëve, në tri institucione te Qeveria, Kuvendi, si dhe te Presidenti. (Qeveria e Kosovës, ora 9:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e komunës së Lipjanit. (Shkolla fillore dhe e mesme e ulët “Vëllezërit Frasheri” në Lipjan, ora 9:45)

- Kryeministri Ramush Haradinaj vizitë pune në Agjencinë Kosovare të Privatizimit. (Agjencia Kosovare e Privatizimit, ora 10:30)

- Kryetari i SBASHK-ut se bashku me kryetarin e këshillit të prindërve te komunës se Lipjanit Milazim Sadik do t'i vizitoj grevistët e çerdhen e komunës së Lipjanit. (Objekti i çerdhes se Lipjanit, ora 10:30)

- Lëvizja Vetëvendosje! mban konferencë për media. (Zyrat e Vetëvendosjes, ora 11:00)

- Grupi i asambleistëve të LDK-së në Prishtinës mban konferencë për medie. (Selia qendrore e LDK-së, te Qafa, ora 11:00)

- Instituti Kosovar për Kërkime dhe Zhvillim të Politikave organizon tryezën e rrumbullakët në të cilën do të prezantohet Punimi i Politikave “Parandalimi i Radikalizmit dhe Ekstremizmit të Dhunshëm: Mësimet nga Shembujt Pozitivë të Komunave të Podujevës dhe Suharekës”. (Hotel Sirius, ora 11:00)

- Prokuroria Themelore e Prizrenit mban konferencën për media ku do të prezantohet raporti i punës për vitin 2018 dhe objektivat e kësaj prokurorie për vitin 2019. (Prokuroria Themelore në Prizren, rruga William Walker, ora 11:00)

- Përfaqësuesit e studentëve nga të gjitha Universitetet Publike në Republikën e Kosovës do të mbajnë një protestë  para Ministrisë së Arsimit, Shkencës dhe Teknologjisë. (Protesta do të fillojë nga Bibloteka Kombëtare, ora 13:00)