17 Qershor 2019

25 për qind rritet prodhimtaria vendore

Prishtinë, 13 dhjetor - Ndikimi i taksës 100% në ekonominë kosovare nga data 21 nëntor deri me 5 dhjetor 2018, ishte tema e konferencës së Aleancës Kosovare të Bizneseve me media.

Agim Shahini, kryetar i AKB-së tha se nga 21 nëntori deri me 5 dhjetor 2018 kanë realizua një hulumtim në 300 kompani të zgjedhura në industrinë ushqimore, tregtare, shërbyese dhe të ndërtimtarisë me 250 konsumatorë të Kosovës për të ardhë deri në një konstatim se në çfarë mase kanë ndikuar vendimet e taksës 100%.

“Nga kjo rrezulton si pozitive sipas përgjigjeve të respodentëve se ekonomia prodhuese është në drejtim të rimëkëmbjes”, tha Shahini.

Sipas kryetarrit të Aleancës Kosovare të Bizneseve, bizneset tregtare janë treguar fleksibile në gjetjen e partnerëve të ri dhe zëvendësim të shpejt, kjo ka ndikuar në rritjen e lehtë të çmimeve, por jo në masën e propaganduar se pa mallra serbe do të çrregullohet tregu tërësisht dhe do të ketë katastrof humanitare dhe kjo del të mos jetë e vërtetë.

“Kosova nga kjo po përfiton shumë si në aspektin ekonomik duke e ndaluar evazionin fiskal tash e 18 vite që mund të jetë disa miliarda euro, ashtu edhe në aspektin politik që tashmë ka kthyer vëmendjen e gjithë botës kah Kosova”, tha Agim Shahini.

Në bazë të hulumtimit del se tek bizneset kosovare masat kanë ndikuar pozitivisht.

Bizneset tregojnë sa sa është rritur shitja e produkteve të tyre në këtë kohë, në industrinë ndërtimore 40%, atë ushqimore 25%,  transport 20%, tregëti e shërbime 5%  e të tjera 10%.

Ndërkaq bizneset tregojnë edhe se sa është rritur numri i të punsuarve në këtë periudhe, ku në industrinë ndërtimore është rritur 20%,  atë ushqimore 15%, transport 20%, tregëti e shërbime 10%, nuk ka pas rritje 35%.

Ndërsa se a kanë pas vështërsi të bënin zëvendësimin me produkte tjera, 55 % e bizneseve vendore kanë treguar se nuk kanë pasur problem, 25% thonë se kishin vështirësi dhe 20% nuk kanë bërë zëvendësim.

Bizneset tregojnë nga cili shtet po furnizoheni tani, ku nga vendet e BE-së furnizohen 35%, Maqedonia 20%, Shqipëria 20%, Turqia 15%, Azia 7% dhe vendet tjera me 3 për qind.

Se për cilat produkte mund të ketë mungesë në treg, bizneset tregojnë se janë materiali ndërtimor, lënda e parë për paketime, medikamenter medicinale, produkte të grurit e misrit.

Se në cilën industri(sektor) janë rritur çmimet, bizneset tregojnë se shërbimet e transportiti janë rrit 45%, produktet lukse 20%, ndërtimtaria 15%, lënda e parë dhe paketimi 15% dhe produkte ushqimore 5%.

Ndërsa të pyetur se pse po rriten çmimet (faktorët e rritjes), bizneset kanë treguar se ato po ndodhin nga rritja çmimeve në tregun global 50%,  mungesa e produkteve 25% dhe për shkak të taksës 100%. 25%.

Se a kanë besim në prodhimin vendor në krahasim me atë të huajin bizneset 50 % janë përgjigjur se kanë besim, ndrësa 25 % jo  dhe 25 % nuk e dinë.

Nga cilat vende i preferoni produktet me shumë, bizneset tregojnë se nga BE-ja 55%, Kosova dhe Shqipëria 25%, Turqia 10% dhe Azia dhe e tjera 10%.

A ishte i drejt vendimi i Qeverisë për taksën 100%, 96 % e bizneseve thonë se ishte i drejt, ndërsa 3%  janë përgjigjur se nuk ishte i drejtë dhe 1 %  nuk e dinë.

98 % e bizneseve thonë se Qeveria nuk duhet ta tërheq vendimin e taksës 100%, 1 % thonë se po duhet ta tërheqin dhe 1 % nuk e dinë.

Kryetari Agim Shahini, tha se AKB konstaton se taksa 100%, ka rritë çmimet në krahasim me një muaj më parë ku është rritë 1%, prodhimi vendor është rritur 25%, punësimi vendor 15%, besimi në prodhim vendor 50%, besimi në Qeverinë e Kosovës 97% dhe importi nga Serbia ka një rënie prej 98.%.

Lumnije Ajdini, menaxhere e përgjithshme e AKB-së, prezantoi rekomandimet për qeverinë,  ku  Qeveria duhet të jetë edhe më e vendosur për të ruajtur sovranitetin në tërë territorin e Kosovës.   

Kalendari

Ngjarjet e datës 18 qershor 2019 - Mbahet mbledhja e jashtëzakonshme e Kuvendit të Komunës së Prizrenit me pikën e vetme të rendit të ditës në lidhje me kërkesën për pezullim të financimit të klubit të futbollit "KF Liria" dhe formimin e një komisioni prej 5-7 anëtarëve nga ana e Kuvendit. (Salla e mbledhjeve të Kuvendit në Shtëpinë e Bardhë, ora 10:00)

- Agjencia e OKB-së për refugjatët në Prishtinë - UNHCR do të mbajë një takim të dialogut të hapur për të ngritur vetëdijen për Marrëveshjen Globale për Refugjatët. (Sheshi 21, ora – 12:00)

- Ministri i Shëndetësisë, Uran Ismail raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave dhe përfshirja e barnave për sëmundjet e rralla si dhe informatën rreth furnizimit të SHSKUK-së me infuzione. (Ndërtesa e Kuvendit, salla C 203, ora 10:00)

- Drejtorja e USAID-it në Kosovë Lisa Magno viziton Ministrin e Shëndetësisë dhe takohet me Ministrin Uran Ismailin. (Ndërtesa e Ministrisë së shëndetësisë, ora 10:00)

- Instituti Demokratik i Kosovës organizon tryezën diskutuese me temë ‘’Hartimi i politikave për reduktimin dhe ndalimin e përdorimit të qeseve dhe shisheve plastike”. (Hotel Sirius, ora 10:00)

- Ministri i Drejtësisë, Abelard Tahiri, së bashku me Kryesuesin e Këshillit Gjyqësor të Kosovës, Skënder Çoçaj vizitojnë Dhomën e Posaçme të Gjykatës Supreme. (Dhoma e Posaçme e Gjykatës Supreme, ora 10:30)

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal shqyrton raportin me rekomandimet për mbikëqyrjen e zbatimit te Ligjit për Shërbime si dhe raportin Vjetor i Zyrës së Rregullatorit të Energjisë.  (Ndërtesa e Kuvendit, salla N 303, ora 11:00)

- Kryeministri Ramush Haradinaj bën homazhe dhe merr pjesë në tubimin përkujtimor te lapidari i dëshmorit Basri Canolli - Shpendi në fshatin Marec të Komunës së Prishtinës. (Fshati Marec, ora 11:00)

- Komisioni për Punë të Jashtme, Diasporë dhe Investime Strategjike mban dëgjim publik për Projektligjin për Diasporën. (Ndërtesa e Kuvendit,C-405, ora 11:00)

- 'Të flasim për Ekonominë' organizon tyrezë për të Drejtat Evropiane të Konsumatorëve për Kosovën. (Shtëpia e Evropës, Rruga e UÇK-së ora 11:00)

- Mbahet mbledhja e komisionit për Integrime Evropiane në të cilën do të shqyrtohet projektligji për mbrojtjen e ajrit nga ndotja, me amendamentet e Komisionit funksional nga aspekti i përputhshmërisë me legjislacionin e BE-së.  (Ndërtesa e Kuvendit, salla N204, ora 11:00)

- Drejtori i Inspekcionit i Komunes se Gjilanit, Nevzad Rushiti mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Grupi Parlamentar i Lidhjes Demokratike të Kosovës mban konferencën për media. (Ndërtesa e Kuvendit te Kosovës, kati III, para sallës C301, ora 12:30)

- Mbahet ushtrimi gjithëpërfshires, ku do të simulohet një aksident ajror dhe do të reagohet në perputhje me standardet e Agjencionit Evropian per Siguri ne Aviacion. (Terminali i Aeroportit  "Adem Jashari", ora 14:30)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 15:00)

- Ambassadori Kosnett do të flasë me rastin e përmbylljes së programit Lidershipi Transformues - Bursat dhe Partneritetet. (Hoteli Emerald, ora 17:30)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Një Muaj" nga Zgjim Terziqi dhe "Daullet e Rezistencës" nga Methieu Jouffre. (Kino Armata, ora 20:00)