25 Maj 2018

Zvicera dhe IFC ndihmojnë Kosovën në përmirësimin e mjedisit te biznesit

Prishtinë, 10 maj - IFC-ja, anëtare e Grupit të Bankës Botërore, ka nënshkruar një marrëveshje me Ministrinë e Tregtisë dhe Industrisë të Kosovës për të ndihmuar në përmirësimin e mjedisit të biznesit përmes reformimit të sistemit të inspektimeve të biznesit, duke thjeshtuar procedurat administrative dhe duke ofruar shërbime më të mira për investitorët.

Marrëveshja është pjesë e Projektit të Klimës së Investimeve në Kosovë të IFC-së, i cili synon të rrisë konkurrueshmërinë e bizneseve më të vogla vendore duke ulur kostot e pajtueshmërisë me rregulloret dhe duke ndihmuar në tërheqjen dhe mbajtjen e investimeve duke forcuar kornizën ligjore dhe të politikave.

"Numri i investitorëve të gatshëm të hyjnë në tregun e Kosovës po rritet", u shpreh Bajram Hasani, Ministër i Tregtisë. "Me këtë projekt duam të zvogëlojmë numrin e inspektimeve të panevojshme të biznesit, të lehtësojmë barrën administrative për bizneset dhe t'u shërbejmë investitorëve në mënyrë më efikase".

"Synimi ynë është të përmirësojmë klimën e investimeve në Kosovë për investitorët vendorë dhe të huaj", tha Thomas Lubeck, Menaxher Rajonal i IFC-së për Evropën Qendrore dhe Juglindore. "Ne do të punojmë me Ministrinë e Tregtisë dhe Industrisë për reformën rregullatore, duke ndihmuar në rritjen e transparencës dhe tërheqjen e investimeve në Kosovë për të nxitur rritjen ekonomike dhe krijimin e vendeve të punës".

Qeveria Zvicerane ka kontribuar 2.3 milionë dollarë amerikanë në Projektin më të gjerë të Klimës së Investimeve, i cili do të zbatohet deri në vitin 2020. Projekti është në përputhje me objektivat e Strategjisë së Bashkëpunimit Zviceran për Kosovën 2017-2020 për krijimin e një mjedisi të përshtatshëm për bi

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)