19 Nëntor 2019

ZRRE s'lejon ngritjen e çmimit te rrymës, KEK-u zhgenjehet

Prishtinë, 25 mars - Korporata Energjetike e Kosovës (KEK) ka njoftuar se ende nuk e ka pranuar vendimin me shkrim të bordit të Zyrës së Rregullatorit të Energjisë Elektrike (ZRRE) rreth aplikimit tarifor, por sidoqoftë, KEK e ka kuptuar se ZRrE është duke propozuar që të mos ketë ndryshime në tarifa për vitin 2010. Ky qëndrim është i njëjti me atë të prezantuar nga ZRrE në Letrën konsultuese të datës 26 shkurt 2010.

"KEK sigurisht se do të implementojë vendimin e rregullatorit. Por, si kompani me orientim komercial KEK është zhgënjyer me këtë vendim nga dy aspekte", thuhet në njoftimin e KEK-ut.

Së pari sipas njoftimit KEK është i bindur se aplikimi tarifor i Korporatës ishte i arsyeshëm dhe parashikimet ishin të dokumentuara në mënyrën më të mirë të mundshme dhe atë për tri fusha: (1) për furnizimin me energji elektrike dhe kërkesën për energji nga konsumatori, (2) për koston e domosdoshme për operimet dhe mirëmbajtjen e aseteve të minierave, gjenerimit të energjisë elektrike, rrjetit të shpërndarjes dhe divizionit të furnizimit, dhe (3) për tarifat tjera të nevojshme për mbulimin e kostos.

"Në pajtim me misionin e vet, ZRrE ka shqyrtuar informatat e siguruara nga KEK-u dhe ka ardhur në supozime të ndryshme sa i përket sigurimit të niveleve të lejuara të kostos nga ana e saj. Edhepse KEK-u është pajtuar me disa nga supozimet dhe vlerësimet e ZRrE, KEK ka patur shumë mospajtime në shumë çështje të cilat janë bërë të qarta në përgjigjen e dërguar me 5 mars ndaj Letrës konsultative."

KEK dëshiron të vë në pah se niveli i shërbimit të siguruar për konsumatorët është përmirësuar në mënyrë të prekshme gjatë vitit të fundit, e kjo mund të ilustrohet edhe me zbatimin gjithnjë e më të pakët të kategorizimit ABC. Ne presim të vazhdojmë përmirësimin e shërbimeve, varësisht nga aftësitë financiare të Korporatës që bazohen në tarifat e faturimit të konsumatorëve dhe inkasimit të tyre.

"Së dyti, KEK është i bindur se ZRrE ka humbur një mundësi që t’i ofrohet më afër tarifave që reflektojnë koston. Edhe pa ndryshime në nivelin e përgjithshëm të tarifave, ZRrE do të mund të bënte një përpjekje për të ristrukturuar tarifat individuale, në mënyrë që të adresohej fakti se konsumatorët e amvisërisë paguajnë vetëm 70 për qind të kostos së energjisë që shpenzojnë. Me këtë rast, edhepse ZRrE ka mundur që t’i ofrohet më tepër tarifave që mbulojnë koston e prodhimit dhe furnizimit me energji elektrike, ajo ka vendosur që këtë problem ta shtyjë për vitet e ardhshme, kur për konsumatorin do të jetë shumë më e vështirë të përballë një aplikim tarifor që reflekton koston industriale të Korporatës." 

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)