30 Mars 2020

ZRRE shtyn mbajtjen e seancës së dytë me radhë

Prishtinë, 16 mars -  Bordi i Zyrës së Rregullatorit për Energji (ZRRE), në një takim konsultativ, të mbajtur sot, ka vendosur të shtyj deri me 27 mars 2020, mbajtjen e Seancës së dytë me radhë që ishte paraparë të mbahet për të premten me 20 mars.

Po ashtu Bordi i ZRRE-e, ka shqyrtuar situatën e krijuar në lidhje me pandeminë COVID 19 dhe kujdesin që duhet pasur  si rezultat i masave të ndërmarra deri tani nga vendimet e Qeverise së Republikës së Kosovës.

Me këtë qëllim ka kërkuar nga të gjithë operatorët e licencuar që të informohet në vazhdimësi në lidhje me masat e marra nga të licencuarit që kanë të bëjnë me aktivitetet e përshkruara në Licencat e tyre,  gjatë tërë kohës sa do të jetë kjo gjendje e shkaktuar nga Pandemia.

Si pasojë e kësaj gjendje, Bordi i ZRRE, ka kërkuar nga menaxhmenti i ZRRE që, që nga sot të punohet me personel të reduktuar me qëllim që të zbatohen udhëzimet e dhëna nga Ministria e Shëndetësisë në parandalimin e përhapjes së virusit.

Po ashtu ka kërkuar që të bëhen përpjekjet maksimale që këto masa të mos ndikojnë në monitorimin e aktiviteteve të operatorëve për furnizim me energji dhe aktivitetet tjera që nevojiten të zbatohen në përkujdesin ndaj konsumatorëve.

 

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)