27 Shtator 2020

ZRRE nënshkruan marrëveshje me Enti e Energjisë së Shqipërisë

Prishtinë, 13 dhjetor - Sot në Prishtinë, Zyra e Rregullatorit për Energji (ZRRE) e Republikës së Kosovës dhe Enti Rregullator i Energjisë (ERE) i Republikës së Shqipërisë, kanë nënshkruar marrëveshje të Bashkëpunimit. 

Kjo është marrëveshja e dytë, pas asaj të nënshkruar në vitin 2013, që Rregullatorët e të dyja vendeve po nënshkruajnë me qëllim të thellimit të bashkëpunimit dhe përshtatjes me rrethanat e reja të krijuara në sektorin e energjisë.

Me këtë marrëveshje dy rregullatorët kanë vënë në pah mundësitë për të përqendruar përpjekjet e tyre të përbashkëta mbi zhvillimin e një strukture të qëndrueshme rregullatore në sektorët e energjisë elektrike dhe gazit në nivel rajonal dhe në nivel dypalësh.

Përmes nënshkrimit të marrëveshjes, të dy rregullatorët janë pajtuar që të thellojnë bashkëpunimin për të harmonizuar kornizat rregullative dhe për të promovuar zhvillimin dhe integrimin e tregjeve të energjisë të të dyja vendeve.

Dy rregullatorët, me këtë rast, janë zotuar do të bashkëpunojnë për të favorizuar aktivitetet e përbashkëta të përqendruara në iniciativat e ngritjes së kapaciteteve, shkëmbimin e njohurive dhe praktikave më të mira, seminare të posaçme (ad hoc), workshop-e dhe trainime.

Me këtë rast ushtruesi i detyrës së Kryesuesit të Bordit të ZRRE, Z. Arsim Janova, ka theksuar se kjo është një ditë e rëndësishme për të dy rregullatorët pasi që siç tha ai po rikonfirmohet qëllimi i përbashkët i të dy rregullatorëve për të vazhduar bashkëpunimin edhe në të ardhmen, duke pasur parasysh se edhe deri më tani ka ekzistuar një bashkëpunim dhe koordinimi mjaft i mirë në mes të dy institucioneve.

Po ashtu, Petrit Ahmeti, Kryetar i Bordit të ERE, e ka cilësuar bashkëpunimin në mes të dy rregullatorëve me zanafillë të mëhershëm por që me ndryshimin e rrethanave duhet të përmbajë edhe vlerësimet e kohës dhe të rrethanave sa i përket ndryshimeve që ndodhin në sektor. 

Ai me këtë rast ka vlerësuar si shumë të rëndësishëm edhe bashkëpunimin e dy operatorëve të tregut të energjisë të të dyja vendeve, OST dhe KOSTT, të cilët siç theksoi ai kanë bërë hapa shumë domethënës jo vetëm përmes bashkëpunimit në mes tyre por edhe me pjesëmarrjen në tregun rajonal.

 

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)