26 Nëntor 2020

ZRRE i vazhdon afatin e Obligimit të Shërbimit Publik me energji elektrike KESCO

Prishtinë, 3 korrik -  Bordi i Rregullatorit për Energji,  ka mbajtur sot seancën e tij të pestë (V) me radhë për këtë vit.

Në këtë seancë Bordi ka marrë vendim që t’i vazhdohet afati i Obligimit të Shërbimit Publik operatorit të furnizimit me energji elektrike KESCO sh.a, për furnizim të konsumatorëve fundorë që gëzojnë të drejtën e furnizimit universal, deri me 31 mars 2021.

Vendimi për Obligimin e Shërbimit Publik është marrë fillimisht nga Bordi i ZRRE me 18 janar 2017 me ç ‘rast është vlerësuar konkurrenca në tregun e energjisë elektrike në vend dhe është konkluduar se nuk ekziston konkurrencë efektive, si pasojë e mungesës së funksionimit të operatorëve të tjerë në tregun e furnizimit me energji elektrike.

Përkundër që ZRRE ka licencuar deri më tani 8 subjekte juridike për furnizim me energji elektrike, përveç KESCO-s, subjektet e tjera të licencuara për furnizim me energji elektrike në Kosovë, deri më tani nuk janë duke operuar si furnizues aktiv.

Prandaj me qëllim të mbrojtjes së konsumatorëve, si dhe të parandalimit të abuzimit me pozitën dominuese të furnizimit me energji elektrike, Bordi i ZRRE ka vendosur që t’i vazhdoi KESCO-s obligimin për ofrimin e Shërbimit Publik si Furnizues me Shërbim Universal.

Gjithashtu, në këtë seancë, Bordi i ZRRE ka vendosur që t’i lëshohet licenca për prodhim të energjisë elektrike nga burimet e ripërtërishme të energjisë, ndërmarrjes  "Hidroenergji" SH.P.K, për operimin e hidrocentralit “Lepenci 3”, me kapacitet 9.98 MW.

Ky vendim është marrë pasi që kompania ka përmbushur të gjitha  kërkesat që dalin nga legjislacioni vendor për rregullimin e këtyre aktiviteteve.

Pjesë e shqyrtimit nga Bordi ka qenë edhe dizajni i ri i faqes së internetit së ZRRE, me ç ‘rast Bordi ka dhënë pëlqimin e tij për lansim duke konsideruar se dizajni i ri i kësaj faqeje është i orientuar drejt një transparence dhe përfshirje të publikut më të madhe në proceset rregullative.

Po ashtu, faqja e re e internetit të ZRRE do të ju ofrojë qasje më të lehtë konsumatorëve në informatat të cilat mund të ju nevojiten si edhe palëve të tjera që përcjellin aktivitetet e ZRRE.

Bordi ka shqyrtuar dhe disa çështje të tjera që ndërlidhen me funksionimin e Zyrës së Rregullatorit dhe sektorin e energjisë në përgjithësi.   

Kalendari

Ngjarjet e datës 26 Nëntor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave, Muhamet Malësiu dhe drejtorin e Autoritetit të Rajonit të Pellgjeve Lumore Gani Berisha, nga Ministria e Ekonomisë dhe Ambientit. (Ndërtesa e Kuvendit, salla N204, ora 12:00)

- Kryeministri i Republikës së Kosovës Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në përurimin e kompletit te veprave të prof. Anton Çettës. (Biblioteka Kombëtare e Kosovës, ora 12:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Kryetarin i Komunës së Deçanit, Bashkim Ramosaj. (Ndërtesa e Kuvendit, salla N204, ora 14:00) 

 

- Ministrja e Kulturës, Rinisë dhe Sportit Vlora Dumoshimerr pjesë në koncertin e Ansamblit “Shota”, kushtuar 70 vjetorit të formimit të Ansamblit të parë profesional të këngëve dhe valleve në Kosovë. (Teatri Kombëtar i Kosovës, ora 16:00)