20 Qershor 2019

ZRRE aprovon kërkesa për prodhimin e energjisë nga burimet solare

Prishtinë, 5 qershor - Në seancën e mbajtur sot, të gjashtën me radhë për këtë vit, Bordi i Rregullatorit për Energji (ZRRE), ka miratuar Rregullën për Standardet e cilësisë së shërbimit të energjisë elektrike.

Kjo Rregull përcakton treguesit e cilësisë së shërbimit të energjisë elektrike për shërbimet e ofruara, furnizimin e pandërprerë të energjisë elektrike dhe cilësinë e tensionit të ofruara nga operatorët për konsumatorët e energjisë elektrike në vend.

Po ashtu, në seancën e sotme Bordi i ZRRE-së ka shqyrtuar Planin Zhvillimor dhjetë (10) vjeçar të Ndërmarrjes së Ngrohjes Qendrore “Termokos” për të cilin  është vendosur që, në përputhje me kërkesat ligjore, t’i nënshtrohet procesit të diskutimit publik të udhëhequr nga ndërmarrja dhe pastaj të sillet në takimet e ardhshme të Bordit për aprovim. 

Pas shqyrtimit nga Bordi, është aprovuar edhe amandamentimi i Marrëveshjes për Shitblerje të Energjisë Elektrike nga Burimet e Energjisë së Ripërtëritshme (BREE).

Bordi po ashtu ka miratuar kërkesën e kompanisë “Hidroenergjia” Sh.P.K për lëshimin e Licencës së përkohshme për prodhimin e energjisë elektrike nga Hidrocentrali “Lepenci 3”, me një kapacitet prej 9.998 MW, i ndërtuar në  komunën e Kaçanikut.

Në këtë seancë Bordi sot ka vendosur që për aplikacionet që kanë qenë në pritje të lëshojë 14 Autorizime Preliminare për ndërtimin 42 MW energji elektrike nga burimi i energjisë solare.

Ndërsa për prodhimin e energjisë për vet konsum, Bordi ka shqyrtuar dhe ka aprovuar katër (5) kërkesa për ndërtimin e 49.88 kW energji nga burimet solare.

Po ashtu është marrë vendim nga Bordi që të pezullohet pranimi i aplikacioneve për marrje të autorizimit për ndërtim të kapaciteteve të reja gjeneruese, për tu trajtuar si “aplikacione në pritje” dhe për tu përfshirë në Skemën Mbështetëse, jashtë caqeve të BRE-ve të përcaktuar me Udhëzimin Administrativ nr. 05/2017.

Si rezultat i këtij vendimi, Rregullatori nuk do të pranojë asnjë aplikacion për marrje të autorizimit për ndërtim të kapaciteteve të reja gjeneruese, për tu trajtuar si “aplikacione në pritje”, ndërsa  vendimet për Autorizim Preliminar që janë lëshuar para hyrjes në fuqi të këtij vendimi, do të trajtohen sipas dispozitave ligjore të Rregullës për Skemën Mbështetëse.

Bordi si zakonisht ka shqyrtuar edhe disa ankesa të konsumatorëve dhe çështje të tjera të rregullimit të sektorit.

 

Kalendari

Ngjarjet e datës 21 qershor 2019 - Zyra për Qeverisje të Mirë pranë Kryeministrit më mbështetjen e Projektit të Asistencës Teknike të BE-së organozn konferencën për publikimin e Raportit të mbështetjes financiare publike për OJQ-të nga institucionet e Republikës së Kosovës për vitin 2018. (Ndërtesa e Qeverisë, ora 9:45)

- Zyra e BE-së në Kosovë  në bashkëpunim me Qeverinë e Kosovës, organizon konferencën “Transparenca dhe Llogaridhënia për Fondet Publike" gjatë së cilës do të publikohet raporti për mbështetjen financiare publike për organizatat joqeveritare për vitin 2018. (Ndërtesa e Qeverisë, salla P38, ora 9:45)

- Kryeministri Ramush Haradinaj merr pjesë në Konferencën për publikimin e Raportit të mbështetjes financiare publike për OJQ-të nga institucionet e Republikës së Kosovës, të organizuar nga Zyra për Qeverisje të Mirë. (Ndërtesa e Qeverisë, ora 9:45)

- Komisioni Hetimor Parlamentar në lidhje me gjendjen në PTK dhe Vala interviston Blerim Devolli, pronar i Kompanisë Dardafon. (Ndërtesa e Kuvendit, salla N 303, ora 10:00)

- Organizatat e shoqërisë civile organizojnë protestën e shoqërisë civile në kundërshtim të Projektligjit për financim të subjekteve politike. (Para ndërtesës së Kuvendit të Kosovës, ora 10:00)

- Instituti për Politika Zhvillimore së bashku me Ambasadën Franceze në Kosovë, organizon tryezën e rrumbullakët "Cilësia e Ajrit në Kosovë: Drejt Standardeve Evropiane". (Aleanca Franceze, Rruga Lah Nimani, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i raportit të Auditimit të Pasqyrave financiare të Ndërmarrjes Publike 'Kompania Regjionale e Mbeturinave Pastrimi dhe  shqyrtimi i rekomandimeve të dala nga raporti i Auditimit të Performancës, Procesi i Menaxhimit të Grandeve dhe Subvencioneve në sektorin e bujqësisë. (Ndërteas e Kuvendit, salla N 302, ora 10:00)

- Ministria e Administratës Publike, për nderë të Ditës Ndërkombëtare të Shërbimit Civil, organizon shënimin e kësaj dite, e cila i dedikohet shërbimin civil në Republikën e Kosovës. (Amfiteatri i MAP-it, ora 10:30)

- Projektit Promovimi i Punësimit në Sektorin Privat organizon ceremoninë e përurimit të prodhuesit të parë të specializuar për fidanë në Kosovë 'Agrobora'. (Ferma Agrobora në Tërnovc të Skenderajit, ora 10:30)

- ADMOVERE promovon raportin 'Profesorët përballë ligjit' në të cilin mes tjerash, do të publikohen aktakuzat dhe kallëzimet penale, ku janë të përfshirë pjesëtarë të stafit akademik të Universitetit të Prishtinës. (Qendra Informative Kulturore e BE-së, ish ProCredit Bank, përballë komunës së vjetër, ora 11:00)

- Mbahet miniolimpiada për persona me nevoja të veçanta ku gjatë kësaj dite do të zhvillohen aktivitete të ndryshme sportive si dhe aktivitete të lira. (Akademia e Kosovës për Siguri Publike, ora 11:00)

- Kryeministri Ramush Haradinaj merr pjesë në hapjen e aktivitetit tradicional të personave me nevoja të veçanta Miniolimpiada “Kosova 2019”, të organizuar nga Komiteti Paraolimpik i Kosovës. (Akademia e Kosovës për Siguri Publike, Vushtrri, ora 11:00)

-