18 Nëntor 2019

Vushtria komuna më aktive në ndarjen e mbeturinave të riciklueshme

Prishtinë, 16 tetor - Sot, në komunën e Vushtrrisë me iniciativën e 36 klubeve të gjelbra të themeluara në këtë komunë prej  Green Art Center-Prishtina (GAC), u organizuan aktivitete të ndryshme me fokus në një mjedis të qëndrueshëm, aktivitete këto që promovuan rëndësinë e Riciklimit dhe Ripërdorimit në funksion të një mjedisi më të pastër dhe zhvillimit të ekonomisë së gjelbër në nivel vendi.

Përmes rekreacioneve të punuara prej klubeve të gjelbra dhe në formën e një ekspozite prej ku u ndanë edhe cmime pwr shkolla, fëmijët e shkollave kanë punuar elemente disajni më materiale të ripërdorura.

Njëherësh përmes punës bashkarisht vullnetarë të gjelbër është shtuar infrastruktura për ndarje nw burim në sheshin e kesaj komunë më qëllim nxitjen e riciklimit.

Në fjalë rasti, përfaqësuesja e qeverisë gjermane znj. Alexandra Linden vuri theks në rëndësinë e aktivizmit të të rinjve në shoqëri, në zbatimin e reformave mjedisore që shteti Gjerman përmes projektit për Shërbime të Qendruehme Komunale është duke përkrahur komunën e Vushtrisë dhe të gjitha komunat e tjera në Kosovë.

Njëherësh Kryetari i Komunës së Vushtrisë Z. Xhafer Tahiri i falenderoi qytetarët dhe të rinjtë e kësaj komune për angazhimin për zbatimin e projektit për riciklimin e mbeturinave në këtë komunë duke duke premtuar njëherësh edhe mbështetje institucionale në implementimin e aktiviteteve mjedisore prej klubeve të gjelbra në nivel lokal.

Prej anës së GAC , Znj.Mucaj vendosi theks të vecantë në angazhimin e institucioneve vendore dhe komunitetit të gjerë në zbatimin e reformave që ndërlidhen me zhvillimin e ekonomisë qarkore në nivel vendi.

Përmes aktiviteteve të shumta që GAC implementon, synohet sensibilizimi i qytetarëve dhe edukimi i brezave të rinj për rëndësinë e mbrojtjes së mjedisit dhe zbatimin e reformave të ndryshme që kanë nisur nëpër komuna në Kosovë sic është ajo e Riciklimit të mbeturinave.

Ky organizim i bashkëngjitet të gjitha aktiviteteve të GAC-it në fushën e menaxhimit të mbeturinave dhe që do të ndihmoj në ngritjen e vetëdijes qytetare për ndarjen e mbeturinave të riciklueshme në burim.

 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)