11 Korrik 2020

Vazhdon greva e punëtorëve të KEK-ut

Prishtinë, 23 shkurt - Sindikata e Pavarur Elektro-energjetike e Kosovës do të vazhdojë me grevë dyorëshe, pasi negociatat e filluara dje me menaxhmenitin e KEK-ut kanë përfunduar pa arritjen e ndonjë marrëveshje. Sindikalistet dje kanë filluar grevën dyorëshe.

Ata kërkojnë që pagat e tyre të ngritën në mënyrë lineare për të gjithë punëtorët e KEK-ut si dhe kushte më të mira për punë.

Izet Mustafa kryetari SPEK-ut, ka thënë për Kosovapress se greva e punonjësve është mbajtur nga ora 10.00 deri në ora 12.00, ndërsa pohoi se për momentin nuk ka ndonjë marrëveshje. Ai, ka theksuar se greva do të vazhdojë edhe gjatë ditëve të ardhshme me skenar të njëjtë.

“Kemi pasur biseda edhe me bordin e Korporatës Energjetike të Kosovës. Sot kemi pas takim edhe me organet e qeverisë së Kosovës kemi një përafrim një lëvizje, por ende nuk kemi një marrëveshje që Këshilli i Përgjithshëm të merr vendim për ndërprerje të grevës. Qëllimet tona janë që me gjet një zgjidhje sa më të shpejt edhe në këtë kohë kemi takim me kryesinë ekzekutive. Edhe pas këtij takimi kemi takim me menaxhmentin e KEK-ut dhe do të shohim se çka do të bëjmë nëse jo atëherë greva vazhdon njëjtët me skenar të njëjtë sikurse sot dhe shpresojmë që shumë gjatë punëtorët e korporatës të mos jenë në grevë”, ka theksuar Mustafa.

Sindikalistët kanë kërkuar rritjen e pagave në mënyrë lineare që do të thotë nga 100 euro për çdo punëtor. Mustafa, ka deklaruar se nuk do të thotë edhe përmbushja e kërkesave të plotësohet 100 për qind, por siç ka thënë ai duhet të ketë një lëvizje në drejtim të përmbushjes së kërkesave.

“Duke e pas parasysh kushtet e vështira të punëtorëve, duke e pas parasysh gjendjen e rëndë ekonomike të punëtorëve, duke e pas parasysh që kemi rezultate pozitive sidomos kur krahasohen dy vitet e fundit është një përmirësim i dukshëm si në prodhim si në inkasim, faturim dhe së paku të bisedojmë për mundësi aq sa kemi mundësi dhe ne jemi njerëz i kuptojnë mundësit edhe të kompanisë edhe buxhetit edhe të shtetit edhe të gjitha. Mirëpo kërkesa e jonë dhe pikësynimi ynë është të lëvizet diçka në realizimin e kërkesave tona. Ne i kuptojmë edhe vështirësitë dhe nuk është thënë që kërkesat të realizohen 100 për qind ashtu si kemi kërkuar”, ka thënë ai.

Mustafa, ka thënë se greva ka treguar një pjekuri dhe përgjegjësi e lartë e punëtorëve të korporatës, dhe është respektuar udhëzimi i Këshillit Grevist në përgjithësi.
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)