31 Janar 2023

UNDP lanson javën e filmit për mjedisin

Prishtinë, 1 qershor - Programi i Kombeve të Bashkuara për Zhvillim (UNDP) lanson Javën e Filmit për Mjedisin që fillon nga 1-4 Qershor.

Qëllimi i kësaj jave është vetëdijësimi i njerëzve mbi rëndësinë e mbrojtjes së mjedisit në Kosovë.

Filmat do të shfaqen çdo ditë duke filluar nga ora 18.00 në lokalet e American School of Kosova, Pallati i Rinisë.  Java është e hapur për të gjithë të interesuarit dhe hyrja është falas. Më poshtë janë detajet e filmave që do të shfaqen dhe orari i tyre. 
 
1. E vërteta e pakëndëshme është film dokumentar i shfaqur për herë të parë në vitin 2006 për fushatën e ish nënpresidentit të Shteteve të Bashkuara Al Gor për t’i edukuar njerëzit rreth ngrohjes globale.

Al Gor, përkrahës i mjedisit për një kohë të gjatë, në vitet e 7-ta  kishte kuptuar për herë të parë për ngrohjen globale dhe që nga koha që e ka përfunduar mandatin e tij, ai është bërë përkrahës i pasionuar për ndryshimet e mëdha dhe të vogla në ligjet dhe mënyrën e jetesës sonë që mund të ndihmojnë në zbutjen e kësaj krize.

E vërteta e pakëndëshme është një prezantim multimedial i prezantuar nga Al Gor, ku ai diskuton për faktet shkencore prapa ngrohjes globale dhe shpjegon se si ajo tanimë ka filluar të ndikojë në mjedisin tonë.

2. Ora e njëmbëdhjetë është film dokumentar ku aktori Leonardo DiCaprio është producent dhe lexues i tekstit. Në këtë dokumentar trajtohet çështja e gjendja e mjedisit natyror.

Me kontributin e dhënë nga mbi 50 politikanë, shkencëtarë dhe aktivist të mjedisit, përfshirë edhe ish-udhëheqësin sovjetik, Mihail Gorbaçov, fizikanin Stephen Hawking, fituesin e çmimit Nobel Wangari Maathai dhe gazetarin Paul Hawken, filmi dokumenton problemet serioze me të cilat është duke u ballafaquar sistemi jetësor i planetit.

Ngrohja globale, shpyllëzimi, zhdukja në masë e specieve si dhe varfërimi i vendbanimeve në oqeane adresohen këtu.

3. Peizazhet e prodhuara është film dokumentar që ka fituar çmime në mbarë botën. Në këtë dokumentar, artisti/fotografi kanadez Edward Burtynsky adreson projektin e gjerë të civilizimit modern si dhe ndikimin e tij shkatërrues në tokë.

Skenat si deponitë e pafundme në Kinë, kantieret e anijeve në Bangladesh dhe duzinat shtrihen gjatë tërë dhe përtej kornizës së filmit. Qëllimi i tij është që të portretizojë marrëdhënien e njeriut me natyrën në rrugëtimin e tij për progres.

4. Epoka e budallait është një film i ri epik nga McLibel i regjisorit Franny Armstrong. Pete Postlethwaite, aktor in nominuar për çmimin Oskar, luan rolin e një njeriu që jeton i vetmuar në botën e shkretuar në vitin 2055, një botë e shkatërruara nga ndryshimet katastrofale klimatike.

Një arkivistit, emri i të cilit nuk është bërë i njohur, i besohet që të ruaj depon e artit dhe njohurisë së mbijetesës njerëzore.

I vetëm në këtë deponi që është larg nga Arktiku i madh i shkrirë, ai i shikon incizimet e arkivuara nga koha e kaluar, “atëherë kur ne kishim mundësi ta shpëtonim vetën tonë,” për të parë se ku ndodhi gabimi.
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00