27 Maj 2020

U inaugurua investimi në TS Prishtina 2

Prishtinë, 21 korrik - Është bërë inaugurimi dhe lëshimi në punë i transformatorit të zgjeruar në trafostacionin 110/10 kV Prishtina 2. Tash, ky trafostacion nuk do të ketë më mbingarkesë.

“Mbësthes plotësisht KEK-un për investime të tilla të qëlluara prej të cilave përfitojnë direkt qytetarët”, tha ministrja e Energjisë dhe Minierave, Justina Shiroka- Pula. “Me anë të këtij investimi do të eliminohen fytet e ngushta, sikurse shërndarja e energjisë elektrike do të jetë më e lehtë”, shtoi Pula.

Investimi kap vlerën prej 1 milion eurosh dhe është bërë nga mjetet vetanake të KEK-ut, sikurse edhe punët janë kryer nga vetë punëtorët e korporatës. “KEK i ka prioritet konsumatorët. Për t’u ofruar shërbime më kualitative po bën investime në rrjetin e shpërndarjes anëkend vendit.”, tha Arben Gjukaj, Drejtor Menaxhues i KEK-ut.

„ KEK po punon për ndërtimin e nënstacionit 110 kV (kilovolt) Vaganicë në Distriktin e Mitrovicës, Prishtina VI dhe Gjilani V. Nga këto projekte do të përfitojnë direkt konsumatorët, sikurse do të vazhdojë rritja e vlerës së aseteve”, shtoi Gjukaj.

Ngarkesa në TS Prishtina 2 në sezonin dimëror ka qenë për 10 për qind më e madhe se fuqia e instaluar e këtij trafostacioni 2x31.5 MVA  (megavolt amper).Kjo, dhe rritja e vazhdueshme e konsumit kanë qenë arsyet  kryesore për rritjen e kapacitetit të këtij TS. Është bërë furnizimi  me transformator energjetik 63 MVA me gjithë pjesët rezervë me tension 110/10 kV. Përgatitjen e bazamentit, instalimin dhe testimin e  mbrojtjes, komandimit dhe  sinjalizimit si dhe dhe ndërtimin e  zbarave i kanë kryer vetë  punëtorët e Departamenteve   të Divizionit të Shpërndarjes.

Fuqia e instaluar e TS Prishtina 2 110/10 kV  tani  është 94.5 MVA dhe me këtë është eliminuar fyti i ngushtë në këtë trafostacion për 15-20 vjetet e ardhshme.

Ky nuk është projekti i vetëm kapital i kryer sivjet në Rrjetin e Shpërndarjes. Gjatë 2010 investime janë kryer edhe në TS Preishtina 1, sikurse është bërë zgjerimi dhe përforcimi i rrjetit në Distriktin e Mitrovicës, në Fushë Kosovë dhe në shumë zona për t’u eliminuar fytet e ngushta.

 

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)