31 Janar 2023

Trafostacioni i KEK, 14 minuta jashtë pune

Prishtinë, 15 qershor - Korporata Energjetike e Kosovës (KEK) ka bërë të ditur së sot në orën 14:12 ka rënë nga puna TS (trafostacioni) 35/10 kV Prishtina 3, duke lënë jashtë pune të gjitha daljet 10 kV (kilovoltëshe) që furnizohen nga ky trafostacion.

Në orën 14:26 trafostacioni është kthyer në punë  dhe janë kyçur të gjitha daljet 10 kV. Rënien e trafostacionit e shkaktoi shpërthimi i një izolatori përcjellës në trafo-fushën 35 kV të transformatorit T1.

Shkyçje të planifikuara për riparime në rrjet

Në kuadër të punëve të planifikuara për mirëmbajtjen e rrjetit KEK ka bërë të ditur se se nesër, prej orës 10:00 deri në orën 11:00, ne TS 35/10 kV Prishtina 2, do të shkyçet transformatori  T1 (8MVA) për shkak të montimit të pajisjes për filtrimin e vajit. Që të mos shkaktohet mbingarkesë, gjatë kësaj kohe do të shkyçen këto dalje 10kV:Amortizatorët, Thertorja-Emshiri, Energoinvesti dhe Preoci. Gjatë kohës sa zgjasin punimet pa energji elektrike do të mbesin një pjesë e Emshirit, Preoci, Llapnasella, një pjese e Zonës Industriale dhe Amortizatorët.

Po ashtu nesër, nga ora 10:00 deri në orën 14:00, me kërkesën e ekipeve të Distriktit të Gjakovës, të nivelit  35kV (kilovoltësh), për të mundësuar realizimin e revizioneve të rregullta vjetore, do të bëhet shkyçja totale e TS 35/10kV Xërxa. Prandaj, gjatë kohës sa zgjasin punimet pa furnizim me energji elektrike do të mbetet Xërxa me rrethinë.
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00