17 Janar 2020

Termokosi: Me ndaljen e rrymës KEK-u po na shkakton dëme

Prishtinë, 11 shkurt - Ndërprerjet e paparalajmëruara të rrymës nga ana e KEK, po i shkaktojnë NQ “Termokos” sh.a, dëme teknike, sidomos në pjesët elektronike, pajisjet ndihmëse, pompa dhe flakërues si dhe goditje hidraulike në tubacion.

Kësisoj, vetëm gjatë 24 orëshit të kaluar, nga problemet e shkaktuara prej ndëprerjeve të rrymës elektrike, sipas shënimeve të Departamentit të Prodhimit, në ora 16:15 ka pasur luhatje të tensionit elektrik, ku si pasojë kaldajat kanë dalë prej prodhimit; në ora 16:50 deri 17:15 poashtu ndërprerje totale të rrymës elektrike  si dhe në ora 17:50 sërish luhatje të tensionit elektrike.

Për shkak të  gjithë këtyre ndërprerjeve të rrymës elektrike, nuk është punuar me Kaldajat prej orës 16:15-18:00, kurse gjatë ditës së sotme, situata me ngrohje qendrore i është kthyer normalitetit me furnizim të rregullt.

Shqetësuese mbeten sërish ndëprerjet e mundshme të energjisë elektrike, për të cilat “Termokos” sh.a, ka parashtruar disa herë radhazi kërkesë në KEK, që të jenë të paralajmëruar paraprakisht në rast të ndërprerjeve të rrymës, në mënyrë që Departamenti i Prodhimit të ketë mundësi që pajisjet gjeneruese t’i ndëpresë në mënyrë të rregullt, për shkak të sigurisë të këtyre pajisjeve.

E njejta vlen edhe për pajisjet të cilat e bartin energjinë deri te konsumatori, pra gypat e ngrohjes qendrore, në të cilën shkaktohen goditje hidraulike, e që përcillen me defekte në sistem dhe mungesë të furnizimit me ngrohje, për lagje të caktuara të qytetit. 

Të gjitha këto dëme, ndikojnë pos problemeve me konsumatorë, edhe në probleme tjera teknike, me kosto të lartë financiare, të cilat duhet të riparohen përmes servisimit jashtë Kosovës. 

Kalendari

Ngjarjet e datës 17 janar 2020

- Nën patronatin e Kryeprokurorit të Shtetit, Aleksandër Lumezi mbahet “Konferenca vjetore e prokurorëve”, për vitin 2019. (Hotel Emerald, ora 10:00)

- Administrata Tatimore e Kosovës shënon 20 vjetorin e themelimit të saj në të cilën do të marrin pjesë personalitete të ndryshme nga institucionet e larta vendore dhe atyre ndërkombëtare. (Emerald Hotel, ora 10:00)

- Presidenti i Republikës së Kosovës, Hashim Thaçi, do të marrë pjesë në shënimin e njëzet vjetorit të themelimit të Administratës Tatimore të Kosovës. (Hoteli Emerald, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Drenasit. (Shtëpia e Kulturës në Drenas, ora 11:00)

-  Lëvizja FOL organizon konferencë për media gjatë së cilës do të prezantohen gjetjet nga monitorimi i shumave të paguara nga komunat që dalin nga vendimet gjyqësore. (Zyrat e Lëvizjes FOL, ora 11:00)

- Mbahet ceremonia e nënshkrimit të Memorandum Mirëkuptimit për zbatimin e projektit “Skema e Praktikes me të diplomuarit nga fakultetet teknike”. (Zyret kryesore të GIZ Kosova, rr. Anton Çetta, Nr.1, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Skenderajt. (Qendra e Kompetencës në Skenderaj. ora 14:00)

- Nën përkujdesjen e kryetarit të Gjilanit, Lutfi Haziri mbahet “Akademia e Flakës” që e shënon zyrtarisht hapjen e manifestimit “Flaka e Janarit 2020”, i cili sivjet i kushtohet kryengritësit të Anamoravës, Abdullah Tahiri. (Teatri i qytetit te Gjilanit, ora 16:00)

- Për të përmbyllur projektin e EUNIC Cluster Prishtina “Promovimi i turizmit  në Prishtinë”  Ambasada Franceze dhe EUNIC Cluster Prishtina në bashkëpunim me komunën e Prishtinës organizojnë konferencën “Promovimi i turizmit kulturor në Prishtinë”. (Shtëpia e Evropës, ora 16:00)

- Komuna e Gjilanit organizon hapjen e ekspozitës kolektive e arteve pamore - Peneli i Flakës. (Galeria e Qytetit të Gjilanit, ora 17:30)

 

- Kryeministri në detyrë, Ramush Haradinaj, pret në takim ish shefin e Misionit të OSBE-së në Kosovë, ambasadorin William Walker. (Ndërtesa e Qeverisë, ora 19:30)