13 Nëntor 2019

Termokosi hapi ofertat për furnizim me mazut

Prishtinë, 16 gusht - Ndërmarrja Publike “Termokos” në Prishtinë, në prani të medieve, organizoi sot për herë të parë hapjen publike të ofertave për tenderin “Furnizim me mazut dhe naftë për ngrohje”.


Në hapje morën pjesë katër kompani konkuruese, përkatësisht operator ekonomik konkurrues: 


1. “Hib Petrol”-Ferizaj i cili ofroj çmimin për Lot1 (mazut)  23.50 dhe për Lot2 (DizelD2) 41.50 (zbritja në % 48.5%/ 6.5%); 


2. “Alba Petrol-Viti, ofroi çmimin për Lot 1 (mazut) 28€ dhe për Lot2 (Dizel D2) 32.20€; 


3. “CompactGroup”-Gjilan, ofroi çmim për Lot1 (mazut) 14.80 dhe për Lot2 (DizelD2) 40.82€ (zbritje 34%/ 9.5%); 


4. “Exfis sh.p.k-Prishtinë , i cili ka ofertuar vetëm për tenderin për Mazut ofroi cmim për Lot1 (mazut) 44.29€ (zbritje 35%)


Pas hapjes së ofertave, Komisioni i vlerësimit i “Termokos” sh.a, i cili do të formohet pas katër dite, do të punojnë konform ligjit dhe procedurave të prokurimit gjithnjë me qëllim të transparencës, objektivitetit dhe kufizimit të çdo mundësie për keqkuptim, përkatësisht shmangies së çfarëdolloj mosmarrëveshje. 

Pas vlerësimit që do të bëj komisioni i vlerësimit, do të zgjidhet fituesi i operatorit ekonomik konkurrues më i suksesshëm, përkatësisht oferta më serioze,  e cila do të shpallet përmes shtypit ditor dhe faqes zyrtare të Komisionit Rregullativ për Prokurimin Publik.

Duke pasur për bazë faktin se furnizimi me lëndë djegëse është çështje prioritare për funksionimin e ngrohjes në qytetin e Prishtinës, “Termokos” sh.a, qëndron i palëkundur në zbatimin e rregullave dhe procedurave për zgjedhjen në mënyrë objektive të operatorit ekonomik konkurrues  për furnizim me lëndë djegëse për sezonin dimëror.

 N.Q ”Termokos” sh.a, apelon edhe një herë te konsumatorët e vet se pagesat e faturave të ngrohjes janë ndihmë e pakontestueshme në mënyrë që të jemi të përgatitur për sezonin ngrohës.
 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)