13 Nëntor 2019

Termokosi fillon aksionin “Shtëpi më shtëpi”

Prishtinë, 2 shtator – “Termoskosi”, ka filluar prapë me projekti për ngritjen e inkasimit “Shtëpi më shtëpi”, i ndërprerë në muajin korrik për shkak të konsumatoreve që kanë qenë në pushime.

Projekti ka nisur në katër rajonet: Ulpianë, Kodër e Diellit, Qendër dhe Dardani. Për rajonin e Kodrës se Diellit dhe të Dardanisë janë formuar dy grupe shtesë për shkak te rajonit të hapur, në të mirë të ofrimit të shërbimeve sa më efikase për konsumatorë.

Projekti “Shtëpi më shtëpi” ka për qëllim ngritjen e inkasimit përmes daljes në terren, duke ua mundësuar konsumatorëve borxhlinj: mundësinë e kontestimit të borxheve të vjetra; ekzekutimin e lëndëve  kontestuese sa i përket çështjes së pronësisë si dhe ndarjes së obligimeve për borxhet e mbetura për personat përkatës.

Duke u nisur nga kjo, ekipet mobile të Termokosit kanë punuar në rajonet Ulpiana, Kodra e Diellit, Qendër dhe Dardani, ku përmes komisioneve nga tre anëtar kanë trokitur derë më derë, për ti ofruar çdo konsumatorëve shërbime në të mirë të tyre, për të nisur mbarë sezonin ngrohës 2010-2011.

Vetëm gjatë ditës së djeshme kanë shpërndare 334 vërejtje individuale. Të gjitha grupet punuese do te shkojnë derë më derë te konsumatoret e ngrohjes qendrore duke filluar nga ora 17:00 deri ne ora 19:00 për ti njoftuar lidhur me borxhin që kanë dhe mundësinë e kontestimit te borxhit te vjetër për periudhën 1999 deri më 2005 dhe pagesën që duhet bërë për periudhën 2006 deri më 2010.

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)