31 Janar 2023

Termokos, nis projekti për ngritjen e inkasimit

Prishtinë, 28 maj - Duke parë situatën aspak të dëshirueshme financiare me të cilën po përballet Ngrohtorja Qendore “Termokos” dhe ndërprerjen pa dëshirën tonë, të parakohshme të sezonit ngrohës 2009/2010, “Termokos“ ka bërë të ditur se është në gjetje të mënyrave sa më efikase në drejtim të ngritjes së inkasimit.

Me gjithë vështirësitë financiare, “Termokos” ka iniciuar Projektin për ngritjen e inkasimit, që nënkupton daljen në terren të ekipeve përfaqësuese, me qëllim të :

-Rriprogramimit të borxheve përmes kësteve mujore;

-Mundësia e kontestimit të borxheve të  vjetra;

-Ekzekutimi i lëndëve kontestuese sa i përket çështjes së pronësisë  si dhe ndarjes së obligimeve për borxhet e mbetura për personat përkatës. 

Duke qenë se projekti “shtëpi më shtëpi“ bëhet me qëllim të përgatitjes së sezonit të ardhshëm dimëror, Menaxhmenti i këtushëm kërkon përkrahje nga ana e konsumatorëve që në afat të caktuar kohor, të bëjnë pagesat e borxheve të tyre. Në të kundërtën, emrat e borxhlinjve do të publikohen në mediet e shkruara dhe ato elektronike. Pos kësaj, ndaj konsumatorëve të cilët kanë bërë kyçje ilegale, përkatësisht vjedhje të energjisë termike, do të ngritën kallëzime penale për shfrytëzim të paautorizuar të energjisë termike ndaj atyre konsumatorëve.

Njëherit shumica e konsumatorëve faturohen me emra të ish pronarëve serb të banesave dhe nuk kanë shprehur gatishmërinë për të bërë ndërrimin e emrit të konsumatorëve ekzistues, andaj Termokos është i detyruar që në bashkëveprim me Gjykatën Komunale dhe Shërbimin Kadastral t’i identifikoi emrat e konsumatorëve me ish pronar serb, për regjistrimin e konsumatorëve ekzistues dhe freskimin e Databazës së të dhënave të konsumatorëve. Ndaj të gjithë konsumatorëve borxhlinj do të ngrisim padi civile për mospagesë të borxheve. 

Ekipet përfaqësuese të N.Q “Termokos” sh.a, kanë filluar me Projektin për ngritjen e inkasimit përmes daljes në terren, përkatësisht shtëpi më shtëpi, që nga dt. 19/05/2010 fillimisht me rajonin e Ulpianës, përkatësisht me banesat A1, A2 dhe A3, të cilat kanë borxh 125.230.23€, kurse borxhi i përgjithshëm i konsumatorëve të rajonit Ulpiana, është rreth tre milion €uro. Publikimi i emrave të këtyre konsumatorëve borxhlinj, do të bëhet në fillim të muajit qershor 2010.

I njëjti projekt do të vazhdoj edhe me rajonet tjera në kryeqytet dhe do të mbikëqyret edhe nga Bordi i Drejtorëve dhe Komisioni i Aksionarëve të NQ “Termokos”sh.a., meqë nga rritja e inkasimit do të varet edhe sigurimi i ngrohjes cilësore për sezonin e ardhshëm dimëror. Në të kundërtën, sezoni i ardhshëm dimëror nuk do të nis aty ku nuk ka pasur përgjegjje nga ana e konsumatorëve për pagesë. 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00