16 Shtator 2019

Tarifat e larta të energjisë elektrike pengesë në sektorin privat

Prishtinë, 9 korrik - Aleanca Kosovare e Bizneseve – sektori i  Ndërtuesve dhe Prodhuesve të materialit Ndërtimor ka mbajtur sot një takim pune me përfaqësues të KEDS-KESCO dhe përfaqësues të Bizneseve  me qëllim të diskutimit për  pengesat dhe sfidat të cilat ky sektor po ballafaqohet në Kosovë.

Në këtë rast Agim Shahini, Kryetar i AKB-ës tha se sektori i Ndërtimtarisë është në zhvillim e sipër dhe për këtë duhet të ridizajnohen politikat kombëtare për investime sepse mbi 60% të investimeve që vijnë nga Diaspora shkojnë në investime në patundshmëri dhe ndërtim të shtëpive dhe banesave e që sipas deklaratave të BQK-së kapin vlerën mbi 1 miliard € dërgesa nga Diaspora prandaj furnizimi me energji elektrike duhet te jetë prioritet primar për zhvillimin e mëtutjeshëm e bizneseve.

Të gjitha defektet që vijnë në rrjetin energjetik bizneset dhe qytetaret i adresojnë në KEDS- si fajtor kryesor por shpesh nuk janë te informuar sepse këtu janë përgjegjës edhe KEK, ZRRE dhe KESCO, prandaj ky është një moment ku po i qartësojmë përgjegjësit edhe individuale dhe kolektive, por se Tarifat e larta  dhe kyçja e shtrenjtë në rrjetin e energjisë elektrike janë pengesë në sektorin privat, të cilat janë të përditshme dhe të trashëguara e për këtë u pajtuan të gjithë.

Brahim Selimaj, Kryetar i sektorit të Ndërtuesve dhe Prodhuesve të materialit Ndërtimor në kuadër të AKB-së prezantoi një sërë pengesash të vazhdueshme që kanë bizneset anembanë Kosovës,

Ai tha se ne jemi në këtë sektor në shumicën e rasteve të atakuar me KEDS dhe institucionet e tjera përkatëse që kanë të bëjnë më leje ndërtimi, kyçja ne infrastrukturë të cilat e paguajnë në Komunë, por detyrohen që të paguajnë edhe kyçje shtesë për energji elektrike KEDS-it.

Kyçja në rrjetin energjetik të Kosovës është shumë e shtrenjtë me tarifa të larta, maxigrafi dhe ndërprerja e shpeshtë ku krijon avari në prodhim por edhe në punishte të ndryshme.

Ka biznese të cilat janë mbyllë për shkak të problemeve me energji elektrike dhe kjo është e patejkalueshme dhe jo e mirë edhe për këtë sektor por edhe për imazhin e Kosovës

Alpin Dogan, drejtor ekzekutiv i Rrjetit – KEDS tha se kam mirëprit këtë takim me AKB për të diskutuar temat që prekin direkt KEDS-in dhe Bizneset në Kosovë.

Ai shtoi se që nga privatizimi i KEK-ut deri më sot në tentim për të furnizuar të gjitha bizneset dhe qytetarët pa dallim në kategori kemi investuar mbi 140,000 milion € dhe vazhdojmë duke investuar për të patur energji 24 orë dhe për të qenë sa më konkurrent ne tregjet e Ballkanit Perëndimor.

"Në këtë drejtim jemi të hapur për të diskutuar dhe sqaruar se jo gjithmonë KEDS është fajtor por duhet të ju informoj se ne jemi të obliguar ti zbatojmë ligjet në Kosovë e në këtë rast ZRRE-ja është rregullatori dhe ne duhet të implementojm ligjet dhe rregulloret e tyre të cilat shpesh janë pengesë edhe për biznese dhe për ne si KEDS , prandaj ju ftoj që bashkërisht të avokojm që te përmirësojmë legjislacionin në favor të zhvillimit dhe rrjetëzimit për energji elektrike me kosto sa ma të ulët dhe për këtë ne jemi të gatshme për bashkëpunim", theksoi Dogan.

Jahir Morina, pronar i kompanisë Princesha tha se për eliminimin e të gjitha pengesave me KEDS dhe Bizneset propozojnë që ta themelojmë një grup punues për identifikimin dhe trajtimin e të gjitha pengesave që kanë të bëjnë mes veti.

Berat Lahu, Përfaqësues VIVA FRESH, ne jemi një nga investitorët që paguajmë mbi 2,5 milion € bë vit shpenzime të energjisë elektrike por nuk kemi ndonjë privilegj të theksuar karshi atyre bizneseve që shpenzojnë më pak, prandaj kërkoj që ju të krijoni një strategji te re për shpenzuesit e mëdhenj të ketë oferta me privilegje të reja.

Abedin Berisha, Përfaqësues Nartel ai tha se është e padrejtë të investohet në Trafostacionet dhe në rrjetë dhe me pas ti bartet në pronësi apo shfrytëzim KEDS-it.

Xhavit Veselaj, Përfaqësues i Silcapor  u shpreh se ne në dy muajt e fundit jemi detyruar shumë herë ta ndërprejm prodhimin për shkak të mungesës dhe ndërprerjes së energjisë elektrike dhe kjo është pengese sepse ne kemi kërkesa të mëdha për prodhimin e bllokave dhe në sezon dhe jo ndërprerje paraqet problem serioz për ne.

Lumnije Ajdini, drejtore menaxhuese tha se ne si AKB kemi ngrit këto çështje edhe ne Këshillin Kombëtar për Zhvillimin Ekonomik pranë zyrës së Kryeministrit edhe tek ZRRE, KEDS KESCO, ministrit e ndryshme për të zgjedh këto probleme, por për fat të keq ende mbetet  temë problematike për të zgjedhur e që për shumë biznese  në Kosovë është prioritet furnizimi me energji elektrike.

Të dy palët u pajtuan që problemet janë permanente por jo të qëllimshme dhe këto do të trajtohen me procedura të shpejta në mënyrë që te eliminohen të gjitha pengesat që kanë të bëjnë me energji elektrike dhe investitorët  vendor e të  huaj mos ta kenë më temë diskutimi mungesën dhe tarifat e energjisë elektrike.

Takimet në të ardhmen do të vazhdojnë në mes AKB-së dhe KEDS së bashku me bizneset e të gjithë sektorëve.
 

Kalendari

Ngjarjet e datës 16 shtator 2019

- Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Ministri i Kulturës, Rinisë dhe Sportit, Kujtim Gashi takon Kryetarin e Komunës, Agim Aliu, me të cilin edhe do të nënshkruajë një memorandum bashkëpunimi për 'Ndërtimin e Qendrës Multifunksionale'. (Komuna e Ferizajit, ora 11:00)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”. (Ndërtesa e Kuvendit, salla 405, ora 13:30)

- Kryetari i Lëvizjes Vetëvendosje! Albin Kurti viziton fabrikën "Jatex". (Gjakovë, 14:00)

- Komisioni Qendror i Zgjedhjeve mbanë mbledhjen e radhës. (Objekti i KQZ-së, ora 14:30)

- Kryetari i Lëvizjes Vetëvendosje! Albin Kurti viziton disa bujq. (Gjakovë, 15:00)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Kryetari i Lëvizjes Vetëvendosje! Albin Kurti viziton Shoqatën e Zejtarëve. (Gjakovë, 16:20)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kryetari i Lëvizjes Vetëvendosje! Albin Kurti takohet me Tomor Morinën. (Gjakovë, 17:40)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)