13 Nëntor 2019

Sulmohet punëtori i KEK-ut në detyrë

Prishtinë, 18 tetor - Korporata Energjetike e Kosovës (KEK) ka bërë të ditur se vikendin e kaluar konsumatori Burim Gashi nga fshati Reshtan i Suharekë, ka sulmuar fizikisht në detyrë punëtorin Faton Musaj, duke i shkaktuar lëndime trupore.

Arsyeja e sulmit është për shkak se ekipa e KEK-ut ka bërë shkyçjen nga rrjeti i energjisë elektrike.

Me urdhëresë të KEK-ut, ekipa e korporatës ka bërë shkyçjen  e këtij konsumatori me shifër 9040042 “SHTALLA” Burim Gashi për shkak të borxhit 2350.57 euro.

Në vendin e ngjarjes ka shkuar Policia e Kosovës ku me pas punëtori Faton Musaj është përcjellë për në Qendrën Kryesore Mjekësore Familjare në Suhareke ku i është nënshtruar kontrollës mjekësore.

Rasti është hapur për procedurë gjyqësore nga Policia e Kosovës.

Ky nuk është rasti i vetëm ku ekipet e KEK-ut po sulmohen dhe pengohen nga konsumatorë të pandërgjegjshëm, sidomos gjatë realizimit të urdhëresave për shkyçje. KEK sh.a. u bën me dije të gjithë konsumatorëve se duke bërë veprime të tilla nuk do të shpëtojnë asessi nga shkyçja e energjisë elektrike.

Përkundrazi, pos shkyçjes që realizohet, hapen menjëherë edhe procedurat gjyqësore, ndërsa në raste më të rënda sulmuesi arrestohet mënjëherë nga Policia e Kosovës.

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)