19 Nëntor 2019

Shqipëria rrit prodhimin e energjisë elektrike

Tiranë, 26 gusht - Shqipëria ka ulur pothuajse në zero importin e energjisë elektrike dhe gjithë energjinë e harxhuar e siguron nga hidrocentralet e saj.

Instituti i Statistikave INSTAT bëri të ditur se në gjysmën e parë të këtij viti prodhimi i energjisë elektrike u rrit me 52 për qind krahasuar me një vit më parë.

Bilanci kombëtar i energjisë elektrike tregon se, veç hidrocentraleve, asnjë nga burimet e tjera, si centralet termike, nuk prodhuan energji,  duke pasqyruar edhe një herë tjetër varësinë e plotë të sistemit energjitik nga rreshjet e shiut, borës dhe rezervave në liqenet e hidrocentraleve.

Ministri i energjisë dhe ekonomisë, Dritan Prifti, deklaroi se rezervat ujore në hidrocentrale janë menaxhuar me kujdes, duke vazhduar prodhimin dhe duke i mbajtur liqenet në maksimum.

INSTAT bëri gjithashtu të ditur se këmbimi i energjisë me vendet e tjera është në minimum - vetem 3 përqind-, ndërsa eksporti ka mbetur në të njëjtat nivele të kontraktuara.

Një tjetër problem që veçohet në bilancin kombëtar të energjisë janë humbjet në rrjet, që janë rritur përsëri me rreth 4 për qind.

Matjet tregojnë se humbjet dhe vjedhjet e energjise elektrike në rrjetin e copëtuar nga ndërhyrjet e paligjshme përbëjnë rreth 30 për qind të të gjithë energjisë së përdorur në shkallë vendi.

Drejtuesit privatë dhe shtetërorë të kësaj fushe ende nuk po arrijnë që të zvogëlojnë humbjet në rrjet, gjendje e pandryshuar kjo për shumë vite.

Ndonëse ka një përmirësim të faturimit të energjisë dhe rritje të pagesave, përsëri humbjet janë shumë të larta, sa gati një e treta e energjisë elektrike humbet nga vjedhjet dhe abuzime të tjera.

Dimrin e kaluar zona e Shkodrës pësoi përmbytje dramatike nga hapja e digave te hidrocentraleve, që rrezikoheshin nga shirat e shumta dhe rezervat e mëdha ujore.

Dëme të jashtëzakonshme u shkaktuan në banesa, bujqësi dhe blegtori, duke e kthyer menaxhimin e miliona tonelatave ujë të kaskadës së hidrocentraleve mbi lumin Drin në një sfidë të vërtetë inxhinierike.

Kalendari

Ngjarjet e datës 19 nëntor 2019 - Banka Qendrore e Republikës së Kosovës organizon konferencën ndërkombëtare të nivelit të lartë me titull: “Rreziqet dhe mundësitë në një sektor financiar dinamik-rruga zhvillimore”, që do të mbahet në kuadër të shënimit të 20 vjetorit të themelimit të BQK-së. (Hotel Swiss Diamond, ora 8:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të themelimit të BQK-së. (Hoteli Swiss Diamond, ora 9:00)

- Punëtorët teknik të qendrës studentore, punëtorët teknik të disa shkollave që menaxhohen nga komuna e Prishtinës, punëtorë teknik të Universitetit të Prishtinës, punëtorë të sigurimit fizik të UP-së dhe QMF-ve, punëtorët teknik të disa shkollave në Gjilan do të ndalin punën e tyre në shenjë pakënaqësie për pagën e tyre të ulët. (Protesta mbahet ne vendete e tyre te punës, ora 10:00)

- Komuna e Rahovecit mban mbledhjen e njëmbëdhjetë e rregullt e Komiteti për Politik dhe Financa. (Objekti i Komunës së Rahovecit, ora 10:00)

- Zyra e BE-së në bashkëpunim me Këshillin Gjyqësor të Kosovës do të organizojë një vizitë në Gjykatën Themelore në Prishtinë në të cilën do të diskutojë për zhvillimet dhe arritjet në operacionalizimin dhe digjitalizimin e bazës kombëtare të të dhënave të evidencës penale, e zbatuar nga Sistemi qendror kombëtar i evidencës penale. (Gjykata Themelore e Prishtinës, ora 10:15)

- Mbahet ceremonia e ndërrimit të komandës në mes të Komandantit në largim të KFOR-it, gjeneralmajor Lorenzo D’addario dhe Komandantit në ardhje të KFOR-it, gjeneralmajor Michele Risi. (Kampi i Shtabit të Përgjithshëm të KFOR-it Film City, ora 10:30 - mediet duhet të arrijnë tek Porta kryesore e Kampit Film City jo më vonë se ora 9:30)

- Presidenti Thaçi dhe Kryeministri në detyrë, Ramush Haradinaj, merr pjesë në ceremoninë e ndërrimit të Komandës së KFOR-it. (Film City, ora 10:25)

- Guvernatori i Bankës Qendrore të Republikës së Kosovës, Fehmi Mehmeti dhe Zëvendësdrejtori i Fondi Monetar Ndërkombëtar, Tao Zhang mbajnë konferencë për media. (Swis Diamand Hotel, ora 10:45)

- Zyra e UNICEF-it në Kosovë do të mbajë aktivitet me fëmijët në kuadër të shënimit te 30 vjetorit të Konventës për të Drejtat e Fëmijës. (Sheshin “Zahir Pajaziti”, ora 14:00)

- Kryeministri në detyrë, Ramush Haradinaj, pret në takim ministrin e Mbrojtjes të Italisë, Lorenzo Guerini. (Ndërtesa e Qeverisë, ora 14:00)

- Forumi për Iniciativa Qytetare FIQ organizon publikimin e analizës së Legjislacionit të Kosovës lidhur me Filantropinë dhe OJQ-të, me autor Qerkin Berisha. (Zyret e FIQ, Resource Center në Pejton, ora 14:00)

- Ambasadorja e Francës, Marie-Christine organizon pritje ku do të dekorojë znj.Blerta Zeqiri, ''Kalorëse në Urdhrin e Artit dhe Letërsisë''. (Rezidenca e Francës, ora 18:30)

- HANDIKOS organizon ceremoninë e hapjes së  ekspozitës me fotografi  “EmbraceMe-Kosovo”, me portrete nga jeta e nëntë personave nga Kosova, të punuara nga fotografja holandeze Karin Brongers. (Shtëpia e Evropës, ora 19:00)