07 Tetor 2022

Shqiperia fiton 16 milionë euro nga shitja e energjisë

Tiranë, 6 mars - Korporata Elektroenergjetike Shqiptare (KESH) vijon të sigurojë të ardhura të konsiderueshme nga shitja e energjisë elektrike. Për muajin mars janë lidhur disa kontrata me kompani të njohura energjetike, për shitjen e 430 mijë megavat, duke garantuar 16 milionë euro të ardhura.

Megjithatë, shuma në fjalë konsiderohet modeste në raport me problemet ekonomike që ka kompania, si pasojë e borxheve të mëdha të trashëguara nga OSSH-ja. Burime zyrtare nga KESH konfirmojnë prezencën e “CEZ Trade Albania” në tender, pronari i OSSH, i cili siguroi një ndër ofertat më të mira. Sa i takon çmimit të shitjes, KESH vijon t’i referohet bursës së Athinës, e cila ofron tarifa të leverdishme.

Kontratat e lidhura për muajin mars u bashkëngjiten marrëveshjeve të kaluara, janar-shkurt, duke krijuar një stabilitet të qëndrueshëm për financat e brishta të KESH-it. Nuk ka ende një shifër zyrtare se sa ka fituar korporata në muajt e parë të vitit, po vlerësohen të jenë afër 20 milionë euro, ndërsa i gjithë viti 2009 rezultoi me 25 milionë euro.

Janë rreth 430 milionë kilovat energji elektrike që do t’u kalojë nëntë kompanive, ku mes tyre spikasin dy ofertat e kompanisë çeke, CEZ A.S dhe “CEZ Trade Albania”, me 75 mijë megavat energji elektrike. Bie në sy prezenca e një kompanie të re për tregun tonë, “Alpiq”, me seli qendrore në Zvicër (ish-ATEL).

Reshjet e shumta në veri të vendit rritën ndjeshëm nivelin e prurjeve në hidrocentrale, aq sa nuk mjaftonte maksimumi i kapacitetit prodhues, por u hapën portat për të shkarkuar ujin. Që nga muaji janar, KESH ka prodhuar maksimalisht energji elektrike, në sasi që varionin nga 24 deri në 28 milionë kilovat, kurse eksporti regjistron një kuotë mesatare prej 10 milionë kilovat.

Përfitimet e KESH-it vijnë nga ndryshimi i ligjit për energjinë, i cili lejoi pas shumë vitesh shitjen e sasisë së prodhuar dhe jo depozitimin. Megjithatë, sikurse u citua më sipër, KESH ka me qindra milionë euro borxhe (e fundit TEC-i i Vlorës) dhe praktikisht, çfarë fitohet, kalon direkt për shlyerjen e detyrimeve.

Kalendari

Ngjarjet e datës 7 tetor 2022 - Komisioni i posaçëm për shqyrtimin e kandidatëve për emërim në Gjykatën Kushtetuese shqyrton nominimet e kandidatëve për gjyqtar në Gjykatën Kushtetuese lidhur me përmbushjen e kushteve të parapara me Kushtetutë dhe Ligj. (Ndërtesa e Kuvendit, salla C301, ora 9:00)

- Ministria e Zhvillimit Rajonal dhe Caritas Zviceran në Kosovë lansojn thirrjen “Projektet Investuese të Diasporës” në kuadër të projektit “Veprimi i Komunave për Riintegrim dhe Diasporë – MARDI”. (Ndërtesën Qeverisë, salla P38, ora 9:30)

 - Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Kryetari i Komisionit për Punë të Jashtme dhe Diasporë, Haki Abazi mban konferencë për medie lidhur me qëndrimet dhe vlerësimet për proceset e rëndësishme nëpër të cilat po kalon vendi. (Holli i Kuvendit të Kosovë, ora 10:00)

- Rrjeti i Grave të Kosovës dhe Fondi i Kombeve të Bashkuara për Popullsinë publikojnë përmbledhjen e politikave 'Dispozitat për koston e lejes së lindjes, atësisë dhe pushimit prindëror në Ligjin e Punës', të shkruar nga Dita Dobranja në emër të RrGK-së. (Hotel Sirus, ora 10:00)

- OJQ Aktiv organizon prezantimin e “Udhëzuesin për verifikimin bazë të informacionit mediatic” i cili është i dedikuar kryesisht për komunitetin serb të Kosovës. (Qendra e Energjisë Qytetare në Mitovicën e Veriut, ora 11:00)

- Sekretari Gjeneral i FIBA Andreas Zagklis takohet me Ministrin e Kulturës, Rinisë dhe Sportit të Kosovës, Hajrulla Çeku. (Ndërtesa e Ministrisë së Kulturës, ora 11:00)