23 Maj 2019

Shpërblehen punimet më të mira të garës dhe hapet ekspozita #EcoKosovo2

Prishtinë, 7 shkurt - Programi i Kombeve të Bashkuara për Zhvillim (UNDP), Vullnetarët e Kombeve të Bashkuara (UNV) dhe Organizata Botërore e Shëndetësisë (WHO) do të shpërblejnë fituesit e fushatës #EcoKosovo2 dhe do të hapin ekspozitën me punimet më të vlerësuara në një ngjarje që do të zhvillohet sot në auditoriumin e Bibliotekës Kombëtare "Pjetër Bogdani".

Fushata avokuese për mjedisin, e përfunduar kohët e fundit, përfshiu një foto dhe video konkurs ku iu mundësua të rinjve të Kosovës të dergojnë punime vizuele me temë "Si ndikon ndotja në jetën tuaj të përditshme?".

Në adresën e #EcoKosovo2 erdhën mbi 500 foto dhe 30 video, që pasqyrojnë problemet mjedisore që ekzistojnë në Kosovë dhe paneli i vlerësimit pati një punë shumë të vështirë për të përzgjedhur fituesit në të dy kategoritë.

Fushata #EcoKosovo2 është pjesë e projektit "Kosovë e shëndetshme", projekt ky i përbashkët i UNDP-së, UNV-së dhe WHO-së, i cili mbështetet nga qeveria e Luksemburgut. Në ngjarje do të lansohet edhe projekti "Kosovë më e shëndetshme" i cili synon të zvogëlojë problemet mjedisore brenda Kosovës.

Znj. Ulrika Richardson, Koordinatore e OKB-së për Zhvillim, Fatmir Matoshi, Ministër i Mjedisit dhe Planifikimit Hapësinor, Uran Ismaili, Ministër i Shëndetësisë dhe Znj. Anne Doster, e ngarkuara me punë në Ambasadën e Luksemburgut, do të flasin gjatë ceremonisë.

Znj. Alessandra Roccasalvo, Përfaqësuesja e Përhershme e UNDP-së, Znj. Ardita Tahirukaj, Zyrtare/Shefe e Zyrës në OBSh, dhe Blerim Azizi, Analist i Programit të Vullnetarëve të OKB-së do t’i dorëzojnë shpërblimet.

 

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)