Prishtinë, 25 tetor - Sot në sheshin “Nënë Tereza”, afër Ministrisë së Kulturës, Rinisë dhe Sportit do të mbahet mbahet ceremonia e dorëzim-pranimit të Monitorëve për publikimin e të dhënave të cilësisë së ajrit.

Në ceremoni do të marrin pjesë Fatmir Matoshi, Ministër i Ministrisë së Mjedisit dhe Planifikimit Hapësinor dhe Jiro Takeichi, Përfaqësues kryesor i zyrës së JICA-s për Ballkanin.

Monitorët për publikimin e të dhënave të cilësisë së ajrit janë instaluar në katër lokacione në Prishtinë si pjesë e projektit të bashkëpunimit teknik të JICA-s - “Projekti i zhvillimit të kapaciteteve për kontrollin e ndotjes së ajrit në Republikën e Kosovës”.

Monitorët do t’i ndihmojnë qytetareve në Prishtinë që t’i monitorojnë nivelet e ndotjes së ajrit me SO2, NO, NO2, PM10, PM2.5, O3 dhe CO.