18 Nëntor 2019

Salduesit pajisen me certifikatë të njohur ndërkombëtarisht

Prishtinë, 31 mars - Pjesëmarrësit që trajnohen për saldim në Qendrën e Trajnimit të KEK-ut do t’u lëshohet certifikata e njohur ndërkombëtarisht. Hapi i parë është hedhur të mërkurën, me 31.03.2010 pasi është bërë nënshkrimi i marrëveshjes se bashkëpunimit ne mes te KEK-ut dhe Programit për Ndërmarrje Private në Kosovë (KPEP) i mbështetur nga USAID-i. Kontrata është nënshkruar nga z. Arben Gjukaj, Drejtor Menaxhues i KEK-ut dhe nga dhe David Cowles, Drejtor i KPEP.

“Qëllimi i marrëveshjes së sotme është zotimi i përbashkët me qëllim të Akreditimit ndërkombëtar të Qendrës se Trajnimit në KEK sh.a në lëmin e teknologjisë së saldimit”, tha Gjukaj.

“KEK-u është i interesuar që të krijojë një Qendër të njohur ndërkombëtarisht në lëmin e saldimit me qëllim të trajnimit dhe çertifikimit të salduesve. Akreditimi i Qendrës se trajnimit është me rendësi te veçantë për KEK–un për ngritjen e kapaciteteve njerëzore si brenda ashtu edhe jashtë kompanisë”, shtoi Gjukaj.

Projekti i KPEP ka shprehur gatishmërinë qe ta mbështes Akreditimin ndërkombëtar te Qendrës se trajnimit në KEK, me qëllim të rritjes së aftësive konkurruese të punësimit dhe fuqisë punëtore për të përmirësuar cilësinë e strukturës punuese në Kosovë.

“Një nga objektivat e ndihmës së KPEP është edhe mbështetja e zhvillimit të forcës punëtore. Papunësia është sfidë serioze në Kosovë, kur dihet se 43.6 për qind e forcës punëtore janë të papunë, ndërsa 55 për qind e tyre nuk kanë shkollim të mesëm dhe 81.7 e të papunëve nuk kanë përvojë pune për një punësim të qëndrushëm”, tha z. Cowles.

“Jam i gëzuar që jam këtu sot për të nënshkruar marrëveshjen me KEK-un për të mbështetur e qendrës së trajnimit të saldimit me akreditim ndërkombëtar. Pjesëmarrësve të programit të trajnimit do t’u lëshohet certifikata e njohur ndërkombëtarisht, sikurse do të përfitojnë aftësi që janë shumë të kërkuara në ekonomi”, shtoi Cowles.

Që të përmbushet ky vizion, përveç aplikimit për akreditim ndërkombëtar, KEK-u është në finalizim të dokumentacionit që të aplikoj për Licencim në MASHT për ofrimin e kualifikimeve profesionale në nivelin e tretë sipas ISCED (International Standard of Qualification in Education) përmes Qendrës së Trajnimit.

Qendra e Trajnimit të KEK sh.a. ka filluar punën me 26 korrik 2004 me financim nga burimet vetanake të KEK-ut dhe Agjensioni Evropian për Rindërtim.

Qendra e Trajnimit ofron shërbim për të gjitha subjektet e KEK-ut, por sipas nevojës edhe më gjerë. Qendra e Trajnimit veprimtarinë e vet e orienton në tri shtylla: program trajnimi fillestar (ofrimi i kualifikimeve/rikualifikimeve profesionale), program trajnimi dhe zhvillim për të diplomuarit e rinj nga Universitetet dhe programe të trajnimeve të avancuara.

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)