21 Nëntor 2019

Ruajtja e Lumbardhit, rezistencë shoqërore kundër krimit mjedisor

Prishtinë, 25 shkurt - Të konsideruara si projekte strategjike të investimeve nga Komiteti Ndërministror për Investime Strategjike, propozimet e paraqitura nga “Kelkos Energy” për ndërtimin e hidrocentraleve në rrjedhën e lumit “Lumbardhi” janë një dëm i madh ndaj mjedisit dhe do të sjellin pasoja të mëdha për qytetarët e Pejës.

Dëshmia më e mirë është në fqinjësi, në Deçan, ku e njëjta kompani ka ndërtuar tre hidrocentrale dhe sot fshatra të shumta përballen me reduktime të ujit.

Nuk mund të quhet investim strategjik asnjë projekt që e shkatërron natyrën dhe potencialin turistik. Një investim i tillë është po ashtu në kundërshtim me Planin Zhvillimor Komunal, të miratuar nga Kuvendi Komunal i Pejës, që ndalon investimet në hidrocentrale.

Si zakonisht, historia duket se përsëritet : procedura ligjore të parespektuara, degradim i mjedisit lokal dhe vendimmarrës të papërgjegjshëm. 

Partia Socialdemokrate konsideron se rezistenca ndaj ndërtimit të hidrocentraleve në Lumbardh nuk është vetëm çështje e qytetarëve të Pejës, por e gjithë shoqërisë në Republikën e Kosovës. Qytetarët e Republikës nuk duhen të dorëzohen para interesave private të të “fuqishmëve”, të cilët eksploatojnë resurset natyrore për interesa të ngushta private, në emër të investimeve "strategjike" dhe "zhvillimit ekonomik".

Ftojmë çdo institucion dhe qytetarë të Republikës që të organizohen e mobilizohen për ta kundërshtuar ndërtimin e këtyre hidrocentraleve. Ruajtja e lumit “Lumbardh” është sot pjesë e betejës sonë shoqërore kundër krimit mjedisor.

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)