22 Gusht 2019

Rekorde të arritura në historinë e Termocentraleve të KEK-ut.

Prishtinë, 20 janar - Drejtori menaxhues i Korporates Energjetike të Kosovës, Njazi Thaqi ka thënëse kanë arritur rekorde si asnjë herë më parë në historinë e Termocentraleve të KEK-ut.

Ai ka thënë së “Njesia B2” është në punë, prodhim pa ndërpre që nga data 25 shtator i viti te kaluar me kapacitete teë plota prodhuese prej 284 MW/h energji elektrike.

Njëkohësisht dhe me 25 MW energji termike nga ku mundësohet ngrohje të kryeqytetit, Prishtinës.

"Nëse llogaritet me ditë pune, është fjala pa ndërprerje fare, kjo njesi nuk është ndalur së prodhuari mbi 110 ditë pune. Ky është një rekord që nuk është arritur asnjëherë më parë që nga lëshimi në punë para rreth 30 viteve", ka theksuar Thaqi.

Rekord tjeter sipas tij është edhe fakti që në total gjatë vitit 2018 kjo njesi ka qenë në Prodhim për plotë 11 muaj e 8 ditë, pra ka pasur vetëm 21 ditë ndalesa gjatë gjithë vitit.

"Me këto statistika kjo njesi besojmë se ka thyer rekordet e secilit termicentral tjetër në rajon dhe shtete të BE-së me më së shumti orë pune brenda nje viti. Krahasuar me termocentrale që prodhojnë energji elektrike nga thengjilli", ka vlerësuar Thaqi.

Edhe “Njesia B1”, e TC “Kosova B”, pas një remonti të suksesshëm, është me prodhim pa asnjë ndalesë nga data 13 dhjetor 2018.

Kjo njesi sipas tij është duke prodhuar po ashtu me kapacitet maksimal prej 295 MW/h energji elektrike dhe 45 MW energji termike për ngrohje të Prishtinës.

Thaqi ka thënë së edhe rezultatet në termocentralet e “Kosova A” do të befasojnë secilin profesionist të kësaj fushe nëse merret parasysh vjetëresia e tyre.

"Prodhimi i enegjisë elektrike në njesitë e “Kosova A” janë rritur për 100% krahasuar me vitin paraprak. Asnjë ramje e pa planifikuar gjatë kësaj pjese të sezones së dimrit. Pa ndërprë gjatë gjithë kohës në prodhim dhe në gjendje shumë të mirë", ka pohuar Thaqi.

Keto rezultate sipas tij janë arritur falë një angazhimi maksimal dhe kujdesi të vazhueshëm e po ashtu mirë planifikimit të investimeve.

KEK-u vazhdon të jetë në prodhim me kapacitete të plota prodhuese prej 800 MW/h energji elektrike.
 

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)