11 Dhjetor 2019

Reduktimi i ndotjes së ajrit sfidë për rajonin

Shkup, 21 nëntor - Ministri i Mjedisit dhe Planifikimit Hapësinor, Fatmir Matoshi, me ftesë të ministrit të mjedisit të Maqedonisë Veriore, Naser Nuredini, dhe Bankës Botërore, po merrë pjesë në konferencën rajonale, që për temë ka ndotjen e ajrit dhe gjetjen e zgjidhjeve më të mira në reduktimin e ndotjes.

Para të pranishmëve të kësaj konference, Ministri Matoshi ka prezantuar sfidat e shtetit të Kosovës dhe veprimet që shteti ynë po ndermerrë në reduktimin e ndotjes së ajrit.

Matoshi ka deklaruar se Republika e Kosovës ka marrë disa vendime në reduktimin e përdorimit të thëngjillit për ngrohje, ka filluar po ashtu fazën testuese për kontrollimin e gazrave që lirojnë veturat dhe po ashtu ka filluar me projektin për ndërrimin e filtrave të TC “Kosova B”, të financuar nga Bashkimi Evropian si dhe projektet e zgjerimit të rrjetit të koogjenerimit, në menyrë që qytetarët të mos kenë nevojë të përdorin thëngjillin për ngrohje.

“Përveç veprimeve që kemi ndërmarrë e po ndërmarrin në reduktimin e ndotjes së ajrit, fokus të veçantë jemi duke i dhënë dhe informimit të drejtë të publikut mbi cilësinë e ajrit.

Kështu falë përkrahjes së Bashkimit Evropian kemi instaluar softverin për paraqitjen e të dhënave ne kohë reale nga stacionet që kemi në Kosovë, po ashtu kemi bërë dhe vendosjen e monitorëve ne Kryeqytet ku qytetaret mund të informohen rreth ndotjes së ajrit dhe njëkohësisht edhe për pasojat e ndotjes së ajrit në shëndet”, ka deklaruar Ministri Matoshi.

Edhe në këtë konferencë, sikur në konferenca tjera rajonale e globale, Ministri Matoshi ka kërkuar që Kosova të këtë çasje në fondet globale të mjedisit, duke vlerësuar se ndotja e ajrit nuk njohin kufij dhe kështu sipas tij duhet që të jemi të bashkuar në krijimin e një mjedisi të pastër.

Në fund ai ka falënderuar donatorët nderkombëtar për përkrahjen që po i japin Kosovës në përmirësimin e cilësisë së ajrit, në mesin e tyre, MCC-në, JICA-në, Bashkimin Evropian, Bankën Botërore, UNDP, etj.

Konferenca do të vazhdojë të trajtojë aspekte të veçanta të ndotjes së ajrit, përmes prezantimeve të studimeve që janë bërë nga ekspertët e pranishëm.
 

Kalendari

Ngjarjet e datës 11 dhjetor 2019 - Qendra Kosovare për Studime të Sigurisë lanson platformën "Forumi i Gruas për Siguri”, aktivitet ky që implementohet në kuadër të projektit “Ndërtimi i Qëndrueshmërisë: Komunitetet kundër Ekstremizmit të Dhunshëm". (Hotel Sirius, ora 9:00)

- Aksion për Nëna dhe Fëmijë organizon konferencën për përmirësimin e cilësisë me temë "Mbështetja në të ushqyerit me gji nëpër QMF". (Hotel Sirius. ora 9:00)

- Koalicioni i OJQ-ve për Javën Kundër Korrupsionit organizon tryezë diskutimi lidhur reformën e sistemit të drejtësisë në Kosovë, si dhe sfidat e deritanishme me të cilat sistemi gjyqësor dhe prokurorial është ballafaquar vazhdimisht. (Hotel Sirius, ora 10:00)

- Avokati i Popullit organizon 'Ditët e hapura me qytetarë të Pejës" ku do të takojë në mënyrë individuale secilin qytetarë që lajmërohet për takim, duke u respektuar parimi i konfidencialitetit, që të parashtrojnë ankesat e tyre për shkeljet eventuale apo t'i drejtohen për këshilla, në rast të shkeljes së të drejtave të njeriut nga autoritetet publike. (Zyra e Institucionit të Avokatit të Popullit në ndërtesën e Komunës së Pejës,, ora 10:00)

- Oda e Afarizmit Të Kosovës organizon promovimin e librit për biznes "Nga zero në njëqind", të autorit Dritan Shpuza. (Salla e konferencave Orion përballë Kino ABC,  ora 10:00)

- Administrata Tatimore e Kosovës do të mbaj konferencë për media, në të cilën Drejtori i Përgjithshëm i ATK-së Ilir Murtezaj,  do të prezantoj rezultatet e aktiviteteve për mbledhjen e borxheve, me theks të veçantë aktivitetet për konfiskimin e pasurisë së tatimpaguesve borxhlinj. (Zyra Qendrore e ATK-së, ora 11:00)

- Bëhet promovimi i librit "Traumatologjia e sistemit osteomuskular" e autorit, Prof.dr. Cen Bytyqi. (Biblioteka Kombëtare “Pjetër Bogdani”, ora 11:00)

kryetari i degës së PDK-së në Prizren z.Shaqir Totaj, nesër mban konferencën e radhës. (Zyret e degës në Prizren, ora 11:00)

- Aleanca Kosovare e Bizneseve dhe rrjeti i marketeve Viva Fresh Store organizojnë hapjen e Ekspozimit dhe Promovimit të Prodhimeve Vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Objekti i Viva Fresh Store Adresa, Rruga e Tiranës -Prizren, ora 13:00)  

- Koalicioni i OJQ-ve për Javën Kundër Korrupsionit organizon tryezë diskutimi me temë "Lufta për meditje - politikat kundërthënëse të qeverisë për udhëtimet zyrtare. (Hotel Sirius, ora 14:00)

- Këshilli Drejtues i Sindikatës se Bashkuar e Arsimit, Shkencës dhe Kulturës e Kosovës mban takim lidhur në të cilin do të diskutojë situatdn aktuale, nëse pagat nuk merren me Ligjin e ri të Pagave, se cilat do të jenë veprimet sindikale duke respektuar fuqishem zërin e andtaresisë të cilën përfaqësojnë. (Zyrat e SBASHK-ut, ora 15:00)

- Fondacioni i Kosovës për Shoqëri të Hapur organizon bisedën hapur te titulluar “Metodologjia e re per zgjërim: pengesë apo inspirim”. (Swiss Diamond, ora 18:00)

- Federata e Futbollit e Kosovës organizon koktejin e fundvitit me gazetarë. (Hotel “Venus” në afërsi të Lipjanit, ora 18:00)