02 Qershor 2020

Qeveria Kurti është me punëtorët dhe gjithmonë në mbrojtje të tyre

Prishtinë, 31 mars - Ministrja e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS), Rozeta Hajdari dje zhvilloi takim me Sindikatën e punëtorëve të Korporatës Energjetike të Kosovës (KEK) për t’i parë më për së afërmi problemet me të cilat ballafaqohen punonjësit e kësaj korporate.

Gjatë takimit, ministrja u informua nga sindikalistët për problemet dhe sfidat me të cilat po ballafaqohen punëtorët e KEK-ut, sidomos gjatë kësaj kohe të pandemisë COVID-19.

Përfaqësuesit e Sindikatës e njoftuan ministren për punët që po kryhen në vazhdimësi nga punëtorët e KEK-ut, si dhe për problemet me të cilat po ballafaqohen ata. Në të njëjtën kohë ata paraqitën edhe kërkesat e tyre.

Ministrja Hajdari shprehu dëshirën që t’i takojë punëtoret në ditët në vijim duke u zotuar se ajo do të jetë e gatshme çdo herë për të bashkëpunuar në zgjidhjen e problemeve, si dhe për të evituar të gjitha shqetësimet e mundshme me të cilat mund të ballafaqohen.

"Theksojmë se siguria dhe mirëqenia e punëtorëve është prioritet dhe ne si Ministri dhe si Qeveri e Kosovës do të sigurohemi që t’i garantojmë këto", ka theksuar ministrha Hajdari..

Ministrja i falënderon punëtorët e KEK-ut që në këto kohë të vështira po punojnë pa ndalur për të siguruar furnizimin me energji të mjaftueshme për qytetarët dhe njëkohësisht potencon se vizita e saj e parë në KEK u zhvillua me Sindikatën e punëtorëve si mesazh se Qeveria Kurti është me punëtorët dhe gjithmonë në mbrojtje të tyre.
 

Kalendari

Ngjarjet e datës 2 Qershor 2020 - Mbahet mbledhja e Kryesisë së Kuvendit në të cilën do të shqyrtohet kërkesa e 61 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla  C-301, ora 10:00 - mbledhja do të mbahet pa prezencën e mediave)

- Lëvizja Vetëvendosje nisë mbledhjen e nënshkrimeve për peticion “Duam Zgjedhje” (Sheshi “Nënë Tereza”, ora 10:00)

- Mbahet seanca e tretë e Kuvendit të Komunës së Gjilanit. (Holli i Gjimnazit Natyror “Xhavit Ahmeti” në Gjilan, ora 10:00) 

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Dardania. (Lagja Dardania, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Komisionit të Pavarur për Miniera dhe Minerale për vitin 2019. (Ndërtesa e Kuvendit, C203, ora 11:00)

- Mbahet mbledhja e Kryesisë së Lidhjes Demokratike të Kosovës ku pas mbledhjes, kryetari i LDK-së, Isa Mustafa mban konferencë për medie. (Selia e LDK-së, ora 16:30)