26 Maj 2020

Qeveria: KEK-u t’i ndalë shkyçjet kolektive

Prishtinë, 25 mars - Kryeministri i Republikës së Kosovës, Hashim Thaçi ka thënë se nuk është politikë e Qeverisë së Kosovës shkyçja kolektive e qytetarëve nga ana e KEKut. Qeveria e Kosovës të enjten në mbledhjen e saj të rregullt ka kërkuar në mënyrë urgjente nga Ministria e Energjisë dhe Minierave që ta hartojë një strategji për ta zgjidhur problemin e shkyçjeve kolektive nga ana e KEK-ut dhe për zgjidhjen e çështjes së borxheve ndaj korporatës.


Kryeministri Thaçi ka shtuar se Ministria e Energjisë dhe Minierave duhet të jetë e involvuar në këtë proces të konsultave për nxjerrjen e një propozimi, apo strategjie adekuate. 


“Përkushtimi i Qeverisë është që të mos ndodhin ndërprerje kolektive dhe kjo është qasja më e drejtë e mundshme, andaj duhet të tejkalohet me një bashkëpunim të ngushtë edhe me autoritetet e KEK-ut. Një gjendje e tillë mos të vazhdojë edhe në të ardhmen. Ai që e paguan rrymën duhet të ketë rrymë, ai që s’paguan, duhet të ballafaqohet me realitetin dhe ligjin”, ka deklaruar Thaçi.


Ndërkaq ministrja e Energjisë dhe Minierave, Justina Shiroka – Pula ka thënë se shkyçja kolektive është politike e KEK-ut, të cilën MEM-i nuk e përkrah.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)