19 Nëntor 2018

Qendra e Trajnimit të KEK-ut, mundësi për aftësim profesional

Prishtinë, 19 tetor - Qendra e Trajnimit të KEK-ut është hapur në vitin 2005, gjatë këtyre viteve në këtë Qendër janë aftësuar dhe trajnuar punëtorët e Korporatës Energjetike të Kosovës, mirëpo me ngritjen e kapaciteteve tani ofron trajnime edhe për të gjithë të interesuarit jashtë KEK-ut.

“Qendra e trajnimeve ofron shumëllojshmëri të trajnimeve të cilat janë jashtëzakonisht të kërkuara, aftësimi për makineri të rënda, elektrike, saldim, mekanike dhe pneumatike janë vetëm disa nga trajnimet që ofron kjo qendër."

"Qendra e Trajnimit të KEK-ut, për këto drejtime posedon laborator profesional të cilët janë të vetmit në rajon, kjo qendër gjithashtu ka trajnerë të certifikuar dhe licencuar sipas standardeve më të larta ndërkombëtare."

"Si rrjedhojë, përveç certifikatave që i lëshon qendra, me kërkesë të kandidatëve ata mundë të pajisen edhe me certifikata të njohura ndërkombëtare”. theksoj zëdhënës i KEK-ut, Skënder Bucolli.

Kjo qendër ka disa laboratorë të fushave të ndryshme të cilat janë të kompletuar me pajisje adekuate, për të bërë të mundur implementimin sa më të suksesshëm të trajnimeve.

Në Kosovë ka shumë fabrika të vogla që merren me  hidraulikë dhe pneumatikë, mirëpo fatkeqësisht nuk ka mjaftueshëm njerëz që merren më këto lëmi.

Prandaj, kjo qendër është mundësi e mirë për ngritjen profesionale bazuar në praktikat më të mira rajonale dhe ndërkombëtare për të punuar me hidraulikë dhe pneumatikë” tha Elmi Konjusha, Ekspert i Lartë për trajnime teknike .

Pjesëmarrësit e këtij trajnimi u shprehen se janë shumë të kënaqur nga aftësimi që kanë marrë nga ky trajnim dhe tani ndihen të sigurt në vendin e tyre të punës.

Përfaqësuesit e KEK-ut iu bëjnë thirrje të gjithë të interesuarve që ti drejtohen kësaj Qendre për një aftësim dhe kualifikim me standardet më të larta ndërkombëtare.

Kalendari

Ngjarjet e datës 19 nëntor 2018 - Kuvendi i Republikës së Kosovës shënon Diten e Konventës Ndërkombëtare për të Drejtat e Fëmijëve.(Ndërtesa e Kuvendit, salla C 405, ora 10:00)

- Kryeparlamentari Kadri Veseli merr pjesë në Ditën e Konventës Ndërkombëtare për të Drejtat e Fëmijëve. (Ndërtesa e Kuvendit, salla C 405, ora 10:00)

- Mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 11:00)

- Programi i Kombeve të Bashkuara për Zhvillim do të përurojë impiantin i për trajtimin e ujërave të zeza në vise rurale në fshatin Kramovik, Komuna e Rahovecit. (Fshati Kramovik, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të marrë pjesë në ceremoninë e inaugurimit të Impiantit për Trajtimin e Ujërave të Zeza - moçalishtë e ndërtuar në Kramovik të komunës së Rahovecit. (Fshati Kramovik, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Ferizajt, Agim Aliu për avansimin e pozitës së të rinjve në sport, kreativitet kulturor dhe mendim kritik dhe në dituri. (Objekti i Komunës së Ferizajt, ora 11:00)

- Kryeparlamentari Kadri Veseli merr pjesë në mbledhjen e Kryesisë së Kuvendit. (Ndërtesa e Kuvendit, salla C 301, ora 11:00)

-  Mbahet ceremonia e nënshkrimit të marrëveshjes së bashkëpunimit ndërmjet Ministrisë së Integrimit Evropian dhe Norvegjisë, me ç’rast nënshkruhet projekti përkrahës i Norvegjisë për ngritjen e kapaciteteve të shërbyesve civilë për zbatimin e MSA-së. (Ndërtesa e Qeverisë, salla e Konferencave P-32, ora 11:00)

- Mbahet sesioni informues i thirrur nga  Fondi i Ballkanit Perëndimor e cila është thirrja e dytë me radhë për propozimet e projekteve rajonale. (Ambientet e Ministrisë së Punëve të Jashtme, ora 11:00)

- Kryeparlamentari Kadri Veseli pret në takim të përbashkët ministrin e Financave, ministrin e Drejtësisë dhe kryeshefin e Agjencisë Kundër Korrupsionit në Kosovë. (Kabineti i Kryeparlamentarit, ora 13:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Shtime. (Shtëpia e Kulturës në Shtime, ora 16:00)
 
- Kryetari i Nismës Socialdemokrate, Fatmir Limaj, mban takim me të rinjtë e Nismës në Lipjan. (Golden Day në Lipjan, ora 18:00)

- Galeria Kombëtare e Kosovës organizon hapjen e ekspozitës “Muzeu i tri pikave” të artistit Lulzim Zeqiri. (Galeria Kombëtare e Kosovës, ora 20:00)