05 Dhjetor 2022

Qendra e trajnimit në KEK hapi dyert për qindra vizitorë

Prishtinë, 24 maj - Qendra e Trajnimit në Korporaten Energjetike te Kosoves (KEK) sot ka festuar jubileun e saj të pestë me titullin “Dita e dyerve të hapura”.

Në këtë ditë kjo Qendër ka shpalosur ofertën e saj para vizitorëve të ndryshëm. Një numër i madh i nxënësve të shkollave fillore dhe të mesme të Komunës së ish Obiliqi kanë parë për së afërmi se si bëhet trajnimi nga lëmia e teknologjive të ndryshme si asaj elektrike, mekanike, informative, të saldimit, sigurisë në punë dhe për Menaxhim dhe Administratë. Nxënësit kanë shprehur interes të madh dhe janë ndarë të kënaqur me përvojën e re.

Përveç nxënësve dhe mësimdhënësve Qendrën e kanë vizituar edhe zyrtar nga Komuna e Kastriotit, përfaqësues të kompanisë REHAU, GRESA TERM etj. Në Qendër gjatë kësaj dite ka qëndruar edhe kryeinspektori i Inspektoratit të punës me dy zëvendësit e tij, Anëtari i bordit të Komisionit të Pavarur të Minierave dhe kryeinspektori për Xehetari. Po ashtu edhe Zyra e sigurisë në KEK përmes një prezantimi prezantojë të arriturat e KEK-ut nga Lëmi i Sigurisë në punë në nivel kompanie.

Hapja e dyerve për vizitorë të jashtëm është tashmë një traditë në këtë qendër e cila bëhet në çdo përvejtore. Kjo qendër moderne ishte hapur në vitin 2005. Kontribut të madh për këtë projekt ka dhënë Agjencioni Evropian për Rindërtim (AER) në shumë prej 2,3 milionë euro dhe vetë KEK-u , ndërsa implementues ka qenë kompania gjermane SWL.

Gjatë këtyre viteve, në këtë Qendër janë aftësuar dhe trajnuar rreth 20 mijë punëtorë të KEK-ut dhe jashtë tij.  Kjo qendër shumë shpejtë do të fitojë të drejtën edhe të lëshimit të certifikatave ndërkombëtare për saldues. Përmes saj, i është dhënë edhe një ndihmesë tregut kosovar të punës, duke i aftësuar të pakualifikuarit. Stafi i kësaj qendre zotohet se do të vazhdojë tutje në avancimin e punëtorëve, si dhe aftësimin e të pakualifikuarve në mënyrë që të kontribuojë sadopak në zbutjen e papunësisë në vend.
 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)