18 Nëntor 2019

Pula në Kongresin për Miniera dhe Sanim Mjedisor në Gjermani

Në këtë Kongres ndërkombëtar marrin pjesë përfaqësues të qeverise gjermane, përfaqësues të qeverive dhe institucioneve dhe agjencioneve publike që përkujdesen për mjedisin nëpërmjet sanimit të pasojave të veprimeve minerare, veçanërisht rikultivimin e minierave sipërfaqësore të linjitit nga shtete të ndryshme nga të gjitha kontinentet.

Sot delegacioni i Kosovës u takua me përfaqësues të lartë të Ministrisë së Mjedisit, Mbrojtjes së Natyrës dhe Sigurisë Nukleare. Tema e takimit ishte përgatitja e një bashkëpunimi të rëndësishëm Gjermani-Kosovë për adaptimin e modelit gjerman për sanimin e çështjeve mjedisore në sektorin e energjisë dhe minierave.

Pala gjermane u tregua e gatshme të mbështesë Kosovën, fillimisht nëpërmjet Agjencionit publik LMBV që është institucioni më i rëndësishëm gjerman i specializuar në sanimin e çështjeve mjedisore.

MEM dhe MMPH do të bashkëpunojnë me LMBV për të dizajnuar proceset dhe institucionet e nevojshme që janë të domosdoshme për ta kryer në të ardhmen sanimin e plotë të çështjeve mjedisore në sektorin e minierave, proces ky i kushtueshëm por që mund të financohet nga institucionet dhe vendet mike, si Komisioni Evropian dhe Gjermania.

Ndryshe, Gjermania, që ishte një nga vendet prodhuese të mëdha të linjitit, gjatë njëzet viteve të fundit ka dekomisionuar një numër të madh të termocentraleve te vjetra me linjit. Ajo ka mbyllë minierat përkatëse dhe ka sanuar plotësisht rreth 30 miniera sipërfaqësore të linjitit, të cilat në të kaluarën kanë prodhuar rreth 300 milionë tonë linjit të energjisë në vit, proces që ka kushtuar disa miliardë euro.
 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)