15 Prill 2021

Protestuesit hedhin 50 poça elektrik në drejtim të KEK-ut

Prishtinë, 26 shkurt - Grupi i qytetarëve të organizuar kanë mbajtur edhe sot protesta e faturave të larta të Korporatës Energjetike të Kosovës (KEK) si dhe kundër shtrenjtimit të energjisë elektrike.

Në protestën e sotme qytetarët kanë hedhur 50 poça elektrik në drejtim të KEK-ut.

Organizatorët e protestës kanë thënë se ky akt së bashku me brohoritjet janë përkujtim për KEK-un dhe të gjitha insitucionet e ndërlidhura që qytetarët mbesin përpara dyerëve të kësaj korporate duke pritur përgjigje.

Ata kanë akuzuar drejtuesit e KEK-ut dhe ata të Ministrisë së Zhvillimit Ekonomik se po vjedhin qytetarët. Protestuesit nuk janë pajtuar me hapat e deritashëm të ndërmarrë nga KEK-u.

Ata kanë kërkuar nga Prokuroria e Shtetit që t’i kryejë më shpejtë hetimet e nisura ndaj korporatës. Organizatorët kanë ftuar të gjithë qytetarët që të dalin edhe të mërkurën dhe ditëve tjera në vijim për të protestuar ndaj faturave të shtrenjta të energjisë.

Sipas protestuesve ndaj qytetarëve kanë vazhduar shkyqjet me gjithë paralajmërimet që një gjë e tillë nuk do të ndodhë, kjo është raportuar edhe nga protestuesit e pranishëm.

Nga qytetarët e pranishëm sot në protestë përsëri është kërkuar që me protesta të vazhdohet çdo ditë deri në përmbushjen e kërkesave.

Andaj edhe njëherë ftojmë sindikatat, grupet e ndryshme shoqërore dhe të gjithë qytetarët e Kosovës që të marrin pjesë në protesta.

Ata qytetarë që nuk kanë mundësi të vijnë në Prishtinë për të protestuar para selisë qendrore të KEK-ut, le të mblidhen pranë zyrave të KEK-ut nëpër vendbanimet e tyre. Muaji mars po afrohet, faturat e reja me çmimet e çrregullta po vijnë, qytetarët kërkojnë përgjegjësi për fryrjet dhe çrregullimet e faturave.

Hapat e mëtutjeshëm të protestuesve do të jenë në përputhje me veprimet e institucioneve dhe KEK-ut rreth çështjes së ngritur.

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)