23 Korrik 2019

Prezantohen pasojat e ndërtimit të Hidrocentraleve në Rajonin e Zhupës

Prishtinë, 17 qershor -  Komuna e Prizrenit organizon konferencë me temën “Për zhvillim të qëndrueshëm në Rajonin e Zhupës - Kundër Hidrocentraleve”.

Kjo konferencë do të jetë hapësirë diskutimi për pasojat e mundshme që mund të paraqiten në rast të ndërtimit të këtyre hidrocentraleve, me ç’rast do të dëgjohen mendimet dhe rekomandimet e akterëve të ndryshëm, ku të pranishëm do të jenë: kryetari i Komunës së Prizrenit, Mytaher Haskuka, ministri i Ministrisë së Zhvillimit Rajonal Rasim Demiri, zëvendësministra, deputetë të Kuvendit të Kosovës, drejtorë e asamblistë komunalë, si dhe përfaqësues nga shoqata për mbrojtjen e mjedisit.

Rajoni i Zhupës njihet si një destinacion turistik, i cili është i njohur si një mjedis i pasur me lloje endemike të florës dhe faunës.

Kryetari i Komunës së Prizrenit, Mytaher Haskuka ka thënë se përmes këtij rajoni kalojnë tre lumenj të vegjël që e formojnë Lumbardhin e Prizrenit, i cili është po ashtu i pasur me vlera natyrore dhe ekologjike.
 
Lumbardhi i Prizrenit tërhek një vëmendje të madhe nga të gjithë kalimtarët, sidomos turistët që e vizitojnë këtë rajon dhe qëndrojnë në objektet hotilerie pranë brigjeve të saj.
 
"Në këtë rajon malor, përkatësisht në degët e lumbardhit po planifikohet ndërtimi i hidrocentraleve. Sasia e rrymës që mund të prodhojnë këto hidrocentrale, të cilat planifikohen të ndërtohen në Rajonin e Zhupës, është shumëfish më e vogël se dëmi që mund t'i shkaktojnë ekosistemit të rajonit dhe pjesës urbane të qytetit."

"Pos saj, ndërtimi i hidrocentraleve do të shkatërronte edhe mundësinë e zhvillimit të bujqësisë dhe të turizmit malor", ka theksuar Haskuka.
 
Konferenca “Për zhvillim të qëndrueshëm në Rajonin e Zhupës - Kundër Hidrocentraleve” do të jetë hapësirë diskutimi për pasojat e mundshme që mund të paraqiten në rast të ndërtimit të këtyre hidrocentraleve, me ç’rast do të dëgjohen mendimet dhe rekomandimet e akterëve të ndryshëm, ku të ftuar janë përfaqësues nga Ministria e Mjedisit dhe Planifikimit Hapësinor, deputetë dhe asamblistë të Komunës së Prizrenit, përfaqësues nga fshatrat e Rajonit të Zhupës, përfaqësues nga agjencitë dhe shoqatat për mbrojtjen e mjedisit, bashkëpunëtorë profesional nga ekologjia, mediat si dhe të gjithë ata të cilët dëshirojnë të ruajnë Lumbardhin.
 
Në fund të konferencës, pritet të harmonizohen edhe qëndrimet për nënshkrimin e një deklarate për ndalimin e ndërtimit të hidrocentraleve në Lumbardh dhe në degët e tij.
 

Kalendari

Ngjarjet e datës 23 korrik 2019 - Mbahet ceremonia e nënshkrimit të momerandumit të bashkpunimit mes Komunës së Lipjanit dhe Organizatës “Qatar Charity”. (Komuna e Lipjanit, Zyra e Kryetarit, ora 9:30​)

- Komisioni Hetimor Parlamentar në lidhje me gjendjen në PTK dhe Vala interviston  Sebaudin Ramaxhiku, Zyrtar Ligjor në Telekom dhe Arben Hlili, Shef i Kontabilitetit Departamenti i Financave në Telekom. (Ndërtesa e Kuvendit, salla N 303, ora 10:00)

- Kryetari i Komunës së Prizrenit, Mytaher Haskuka do të merr pjesë në shpërndarjen e lopëve qumështore, për përfituesit nga thirrja e hapur nga Drejtoria e Bujqësisë dhe Zhvillimit Rural. (Tregun i Kafshëve, rruga e tranzitit, Arbanë, ora 11:30 - Nisja do të bëhet nga Shtëpia e Bardhë, ora 11:00)

- Partnerët implementues OJQ Dera e Hapur dhe OJQ SOZM organizojnë panairin e Artizanateve dhe Trashëgimisë Kulturore në Prishtinë. (Sheshi “Adem Jashari” në Prishtinë, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Raportit të Punës së Komisionit për sesionin pranveror 2019. (Ndërtesa e Kuvendit, salla N 302, ora 11:00)

- Nën përkujdesjen e Kryetarit, Lutfi Haziri, bëhet promovimi i librit “Le secret de Blerim et autres fictions - Sekreti i Blerinit dhe proza të tjera” i autorit Jean Yves Carlen. (Salla e Kuvendit Komunal në Gjilan, ora 12:00)

- Grupi i Aktivistëve organizojnë marshin protestues kundër racizmit për të kërkuar përgjegjësi para Këshillit Prokurorial të Kosovës. (Sheshi "Skënderbeu", ora 12:00)

- Lëvizja Vetëvendosje mban konferencë për media në të cilën flasin nënkryetari Besnik Bislimi dhe Drejtuesi i Grupit Parlamentar Glauk Konjufca. (Zyrët e Vetëvendosjes, ora 13:00)

- Ministri i Mjedisit dhe Planifikimit Hapësinor, do të vizitojë Gjilanin, ku me kryetarin e komunës, Lutfi Haziri do të nënshkruajnë memorandume të bashkëpunimit për financimin e projekteve në fushën e mjedisit në këtë komunë. (Ndërtesa e Komunës së Gjilanit, ora 14:00)

- Ministria e Tregtisë dhe Industrisë mban seminar te Biznesit Ndërkombëtar për Zhvillimin e Zonës Industriale të Re në Drenas në të cilën do të merr pjesë edhe ministri i Tregtisë dhe Industrisë, Endrit Shala. (Swiss Diamond Hotel, ora 14:30)