28 Maj 2020

Prezantohen ndryshimet klimatike dhe nevojat gjinore për Prizrenin

Prizren, 25 shtator - Programi i Kombeve të Bashkuara për Zhvillim (UNDP) në Kosovë, përmes projektit "Mbështetja për një Prizren të Qëndrueshëm - Inicimi i Veprimeve të Përshtatshme Lehtësuese Urbane në nivel Vendi dhe në partneritet me Qendrën e Rritjes së Gjelbër dhe komunën e Prizrenit, organizojnë një punëtori në të cilën do të prezantohen "Gjetjet nga Ndryshimet Klimatike dhe nevojat prioritare gjinore dhe prezentimi i Inventarit të Gazrave Serrë për Prizrenin". 

Qëllimi i punëtorisë është të paraqesë gjetjet nga Studimi Themelor mbi rreziqet e mundshme të ndryshimit të klimës në lidhje me gjininë dhe nevojat prioritare që duhet përfshirë në Planin Ndërhyrës Ndërsektorial Urban dhe të prezantojë Inventarin e parë urban të emetimeve të gazrave serrë të qytetit të Prizrenit.

Përfaqësues nga Agjensia për Mbrojtjen e Mjedisit në Kosovë, komuna e Prizrenit, OJQ EcMaNdryshe, OSHC-të, Universiteti i Prizrenit dhe UNDP do të marrin pjesë në këtë aktivitet.

Projekti Inicimi i Veprimeve të Përshtatshme Lehtësuese Urbane në nivel Vendi financohet nga Agjencia Austriake për Zhvillim (ADA) dhe komuna e Prizrenit.

Kalendari

Ngjarjet e datës 28 Maj 2020 - Mbahet mbledhja e Komisionit për Ekonomi, Punësim, Tregti, Industri, Ndërmarrësi dhe Investime Strategjike në të cilën do të votohet Raporti Vjetor i Zyrës së Rregullatorit të Energjisë, si dhe shpallja e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, etj. (Ndërtesa e Kuvendit, salla N10, ora 11:00 -mbledhja do të mbahet pa prezencën e mediave)

- Ambasada e Italisë dhe Ushtria Italiane prezantojnë kontributet e tyre për Ministritë e Shëndetësisë dhe Ministrinë e Punëve të Brendshme dhe të Administratës Publike në përgjigje të pandemisë globale Covid-19 në Kosovë. (Salla e konferencave të Administratës Qendrore të QKUK-së, ora 11:00)

- Mbahet mbledhja e Kryesisë së Kuvendit në të cilën do të diskutohet kërkesa e KOSTT-it për miratimin e Planit të biznesit, propozim rregullorja për rendin dhe qasjen e  mediave dhe të publikut në punën e Kuvendit, propozim rregullorja për shfrytëzimin e automjeteve të Kuvendit, raporti i shpenzimeve të Kuvendit, shpenzimet e telefonisë mobile dhe reprezentacionit, etj. (Ndërtesa e Kuvendit, salla  C-301, ora 12:00)

- Një delegacion austriak i kryesuar nga Ministri për Evropë dhe Punë të Jashtme, Alexander Schallenberg do të qëndrojë për vizitë të shkurtër zyrtare në Republikën e Kosovës ku do të pritet nga Ministri i Punëve të Jashtme dhe Diasporës i Republikës së Kosovës, Glauk Konjufca. (Hapësirat e Terminalit VIP të Aeroportit Ndërkombëtar të Prishtinës, ora 15:45)

- Lëvizja Vetëvendosje organizon protestë. (Sheshi “Skënderbeu”, ora 17:00)

- Ministri i Punëve të Jashtme dhe Diasporës, Glauk Konjufca, Ministri i Integriemev Evropiane Blerim Reka se bashku me Ministrin për Evropë dhe Punë të Jashtme te Austrisë, Alexander Schallenberg dhe Ministren për Evropë e Austrisë, Karoline Edtstadler mbajnë konferencën e përbashkët për media. Aeroporti i Prishtinës, ora 17:00)